Lajme

Talibanët mbyllin universitetet për gratë

Autori: Gazeta inFokus 19:27 | 20 December 2022

Talibanët kanë mbyllur universitetet për gratë në Afganistan, thuhet në një letër të ministrit për Arsim të Lartë.

Autoritetet thanë se ky vendim do të jetë në fuqi deri në një njoftim të ri.

Vendimi pritet të hyjë në fuqi menjëherë.

-Advertisement-

Ky vendim kufizon edhe më shumë qasjen e grave në edukimin formal, pasi ato veçse ishin përjashtuar nga mundësia për të vijuar arsimin fillor dhe të mesëm.

Tre muaj më parë, mijëra gra dhe vajza në mbarë Afganistanin iu nënshtruan provimeve pranuese për në universitet.

Por, megjithatë kishte pasur kufizime lidhur me drejtimet që ato mund të studionin, duke ua pamundësuar që të studionin për veterinari, inxhinieri, ekonomi dhe agrikulturë. Po ashtu, gazetaria ishte një drejtim jashtëzakonisht i kufizuar.

Pas marrjes së pushtetit vitin e kaluar, talibanët bën ngjarje gjinore në universitete, ku gratë vijonin studimet në klasa të ndara dhe po ashtu u vendosën hyrje të veçanta në universitete për studentet.

Po ashtu, vetëm profesoreshat dhe profesorët në moshë mund të ligjëronin në universitetet për gratë.

Në nëntor të këtij viti, autoritetet talibane po ashtu ua ndaluan grave që të shkonin në parqet e kryeqytetit afgan, Kabul.

Subscribe në YouTube: GAZETA INFOKUSI
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme