Taktizim politik, lavdet e Kurtit për Ivanoviqin, sipas analistëve
![](https://gazetainfokus.com/wp-content/uploads/2023/01/albin-kurti-11-692x460.jpg)
Autori: Gazeta inFokus
08:05 | 18 January 2023
Në 5 vjetorin e vdekjes së Oliver Ivanoviq, kryeministri i Kosovës, Albin Kurti e ngriti lart figurën e politikanit serb.
Kjo solli reagime të shumta në shoqëri, duke pasur parasysh se ky i fundit ishte gjykuar e dënuar nga EULEX-i për krime lufte ndaj shqiptarëve.
Kurti përmes një videomesazhi tha se Ivanoviqi ka qenë “një person i përkushtuar për të luftuar për interesat e komunitetit dhe qytetit të tij në Mitrovicë ndërsa këtë e ka bërë duke qenë i hapur, i sinqertë, gjithmonë i mprehtë në çështjet me rëndësi, por edhe i respektueshëm edhe ndaj atyre me të cilët nuk ishte dakord”.
Mirëpo kjo deklaratë e Kurtit ngjalli reagime të ashpra nga opozita dhe shoqëria civile.
Analistë e politikanë në Debat Plus të RTV Dukagjinit mendojnë se deklarata e Kurtit ka qenë taktizim politik, por që sipas tyre ka pasojë për imazhin e Kurtit.
Ish-zëvendësministri për Komunitete dhe Kthim në Qeverinë e Kosovës, Milazim Gashi thotë se kryeministri me këtë deklaratë më shumë ka taktizuar me komunitetin serb.
“Kryeministri më shumë po taktizon me komunitetin serb sesa që merret me përvjetore si ai i Oliver Ivanoviqit. Mirëpo me këto deklarata Kurti po krijon mjegulli te elektorati i vet duke pasur parasysh rolin e një kryebanditi si Oliver Ivanoviq në Mitrovicë”, deklaroi Gashi.
Derisa ish-zëvendëskryeministri Dardan Gashi thotë se Oliver Ivanoviqi ka qenë i akuzuar dhe dënuar nga EULEX-i për krime lufte në Mitrovicë dhe sipas tij ai ishte ndër pionierët e ndarjes së Mitrovicës.
“Oliver Ivanoviqi është ndër më meritorët për ndarjen e Mitrovicës. Ai është një prej kreatorëve për situatën që kemi sot në Mitrovicë. Ai ka marrë pjesë në krime dhe deklarata e Kurtit nuk arsyetohet. E kuptoj që Kurti po bënë luftë nga larg me Vuçiqin, por me këtë deklaratë nuk besoj se i ka marrë ndonjë votë Vuçiqit”, deklaroi Dardan Gashi.
Nga ana tjetër nënkryetari i PSD-së Nol Nushi thotë se Oliver Ivanoviq ka bërë spastrim etnik në Mitrovicë.
“Për figurën e Ivanoviqit ka pasur konsensus në Kosovë se ai ka qenë pjesëmarrës në krimet e luftës, pjesëmarrës në krimet e pasluftës si drejtues i “Rojave të urës” dhe për spastrimin etnik dhe ndryshimin e demografisë në atë zonë. Ai ka qenë sekretar në ministrinë e Serbisë për Kosovë. Nuk e di nëse ai ka pasur ndonjë rol pozitiv për Kosovën. Ndoshta është e vetmja figurë që nderohet edhe nga Kurti edhe nga Vuqiqi. Të dy janë liderë që mbi kufoma instrumentalizojnë debate për interesa politike”, ka deklaruar Nol Nushi.
![](https://gazetainfokus.com/wp-content/uploads/2024/02/IMG_4130-600x360-1.jpeg)
Të tjera
-
Kurti shkoi në Hamburg për të parë “kontrollin kulmor të mallrave” që bëhet me skaner me rreze X
Kryeministri i Kosovës Albin Kurti ka shkruar në Hamburg për të parë nga afër...
-
Moti i nxehtë, shtohet numri i pacientëve në QKMF – “Evitoni ekspozimin në diell, pini sa më shumë ujë”
“Ai saçi i nxehtësisë këtë javë do të jetë i stacionuar bash mbi rajonin tonë...
-
Xizang-u bën hapa të jashtëzakonshëm në zhvillimin e gjelbër dhe me cilësi të lartë
Rajoni Autonom i Xizang-ut në Kinën Jugperëndimore do të shfrytëzojë më tej p...
-
Osmani kujton Nekibe Kelmendin: Vazhdon të na frymëzojë dhe udhëheqë
Në trembëdhjetë vjetorin e ndarjes nga jeta të Nekibe Kelmendit, Presidentja ...
-
”Kjo quhet Krenari”, Edi Rama reagon pas barazimit të Shqipërisë
Kryeministri i Shqipërisë, Edi Rama, ka komentuar ndeshjen e sotme mes Shqipë...
-
“FSHF mos bashkëpuno me një shtet gjenocidal” – Tifozët i bëjnë thirrje Federatës Shqiptare të Futbollit të mos e organizojë evropianin për të rinj me Serbinë
Tifozët shqiptarë nga stadiumi ku Shqipëria u ndesh me Kroacinë i kanë dërgua...
-
IHMK: Në shkollat ku s’ka kondicioner e ujë të mjaftueshëm, orët të shkurtohen në 30 minuta
Instituti Hidrometeorologjik i Kosovës ka propozuar që për shkak të temperatu...
-
Nëntë të lënduar si pasojë e një aksidenti mes dy veturave në rrugën Mitrovicë – Podujevë
Nëntë persona janë lënduar si pasojë e një aksidenti që ka ndodhur sot në rru...
-
Osmani kujton Nekibe Kelmendin: Trashëgimia e saj vazhdon të na frymëzojë dhe udhëheqë
Presidentja Vjosa Osmani ka përkujtuar Nekibe Kelmendin në 13-vjetorin e ndar...
-
Gjasula e mban të gjallë shpresën shqiptare për kualifikim
Klaus Gjasula ka shënuar në minuta shtesë për të barazuar ndeshjen me Kroacin...
-
Ndeshje dramatike, Shqipëria barazon me Kroacinë
Shqipëria ka barazuar me rezultat 2 me 2 me Kroacinë. Klaus Gjasula ka qen...
-
Përurohet Stacioni i ri i Autobusëve në Podujevë, Komuna publikon pamje
Është përuruar Stacioni i ri i Autobusëve në Podujevë. Ceremonia e përurimit ...