Lajme

Tahiri-Kurtit: Milionerat nuk janë në zor për Trust, por punëtorët e sektorit privat

Autori: Gazeta inFokus 13:16 | 23 June 2022

Shefi i Grupit Parlamentar të AAK-së, Besnik Tahiri ka thënë se tërheqja e Trustit është shumë e rëndësishme për qytetarët e Kosovës.

Ai tha se Kryeministri Kurti është mjeshtër i manipulimit të opinionit publik me intelegjencën e tij, dhe se nuk po shihet rritja ekonomike që Qeveria po e përmendin vazhdimisht, shkruan Reporteri.net.

“A bën me të pyet pse nuk u rrënua Fondi Pensional kur u tërhoqën 10%. A është po i njëjti fond këtu. Në qoftëse mendoni që situata është e tille, që të numëroni në vend dhe të mos merrni asnjë vendim, është gabim. A bën me ma tregu atë rritje ekonomike që ju po e përmendni ju. E dimë që pensioni shfrytëzohet në pleqëri, por ju nuk keni zotësi me ndihmu këtë vend në këtë krizë. Kam pritur nga ti me dhënë alternativë, e jo me e kundërshtu pa e dhënë asnjë alternativë të vetme, por të thuash se Kosova është në situatë ku me këtë rrënohet Fondi Pensional, është hipokrizi. Kërkojë nga ju, të reflektoni për gjendjen ekonomike në vend, e cila është jashtëzakonisht e keqe. Keni thënë përfitojnë milionerat, por ata nuk janë në zor për Trust, por për Trust janë në zor ata zyrtarë publik, e punëtorët e sektorit privat të cilët dojnë me i mbyll disa probleme që i kanë”, tha Tahiri.
Theksojmë se Kryeministri Kurti tha se Qeveria është kundër këtij Projektligji, derisa theksoi se ata që e kanë inicuar e bëjnë për përfitime personale

-Advertisement-

Subscribe në YouTube: GAZETA INFOKUSI