Lajme

Sylejman Selimi sot ka ditëlindjen, Sulltani merr plot urime emocionuese

Autori: Gazeta inFokus 13:58 | 25 September 2018

Ish-komandanti i Përgjithshëm i UÇK-së, Sylejman Selimi sot ka ditëlindjen.
Sylejman Selimi u lind më 25 shtator 1970, në fshatin Açarevë të Drenicës. Arsimin fillor e mbaroi në vendlindje, të mesmen në Klinë ndërsa studimet i vazhdoi në Fakultetin Metalurgjik në Mitrovicë.

Sylejman Selimi është njëri nga themeluesit e UÇK-së. Gjatë veprimtarisë së tij në radhët e UÇK-së ka bartur detyra me përgjegjësi në strukturat komanduese të UÇK-së. Në pranverë të vitit 1998 me vendim të Shtabit të Përgjithshëm emërohet Komandant i Zonës Operative të Drenicës, ndërsa nga marsi i vitit 1999 deri me 2 Prill 1999, ishte Komandant i Përgjithshmëm i UÇK-së.
Por ai tani po mbahet në burg dhe po vuan një dënim të shqiptuar nga gjykata për rastin Drenica.
Vëllau i Sylejman Selimit, Fidani ka uruar të vllahun duke i uruar shëndet

Postimi i plot i Fidan Selimit:

-Advertisement-

“Sot është një ditë e veçantë jo vetëm për ty Vëlla, por për të gjithë ne.
Sot me 25 shtator ke ditlindjen.
Të uroj nga zemra shëndet dhe çdo të mirë ne jetë”

Edhe deputeti i Lëvizjes “Vetëvendosje”, Rexhep Selimi përmes një postimi në “Facebook” ka uruar ditëlindjen komandantit të UÇK-së, Sylejman Selimi, i cili po mbahet në burg. Selimi ka shkruar se padrejtësia ka rënduar shumë por një ditë do të dalësh kokën lartë.

Postimi i plotë:
“Para një viti ta urova ditëlindjen njëjtë me shpresën që këtë vit do ta festosh ditëlindjen në liri bashkë me familjen dhe me miqt, por ti ënde po mbahesh peng i padrejtësisë.
Padrejtësia t’ka rëndu shumë por një ditê do të dalesh kokën lartë.
Por, sot po me kujtohet edhe se si e patem kaluar ditelindjen tënde para 20 vitesh në kohë lufte në Abri…
Urime ditëlindja Sylë!”

Subscribe në YouTube: GAZETA INFOKUSI