Lajme

Sveçla reagon pas gjetjes së qytetares serbe , ngushëllon familjen Petrovic

Autori: Gazeta inFokus 18:53 | 07 July 2023

Ministri i Punëve të Brendshme të Kosovës, Xhelal Sveçla, ka bërë të ditur se sot shoqata e Kosovës për kërkim dhe shpëtim, zhtytësit e klubit Trepça, Policia e Kosovës dhe Agjencia e Menaxhimit Emergjent bashkë me banorët kanë arritur ta gjejnë trupin e pajetë të qytetares J.Petrovic 49 vjeçare, shkruan Express.

Sveçla thotë se Petrovic dyshohet se kishte rënë në lumin Ibër para dy ditësh.

Ministri i Brendshëm ka shprehur ngushëllime për familjen Petrovic dhe ka falendëruar të gjithë ata që kanë kontribuar në gjetjen e personit të zhdukur.

-Advertisement-

Ai ka thënë se do të vazhdojnë procedurat tjera lidhur me rastin.

Njoftimi i plotë:

Shoqata e Kosovës për kërkim dhe shpëtim, zhytësit e klubit “Trepça”, Policia e Kosovës, Agjencia e Menaxhimit Emergjent dhe banorët e fshatit Zhitkovc të Komunës së Zveçanit, kanë arritur të gjejnë sot trupin e pajetë të qytetares J.Petrovic, 49 vjeçare, e cila dyshohet se kishte rënë para dy ditësh në lumin Ibër.

I shprehë ngushëllimet e mia më të sinqerta familjes Petrovic. Po ashtu, falënderoj të gjitha ekipet dhe qytetarët e angazhuar për bashkëpunimin e kontributin e pandalshëm të tyre në gjetjen e të zhdukurës.

Institucionet tona profesionale do të vazhdojnë me procedurat e mëtutjeshme të këtij rasti.

Subscribe në YouTube: GAZETA INFOKUSI