Sveçla: Do të punojmë ditë e natë të sigurojmë rend e ligj në veri
Autori: Gazeta inFokus 23:56 | 23 June 2023
Ministri i Punëve të Brendshme, Xhelal Sveçla ka thënë se Policia e Kosovës me zbulimin e një sasie të madhe të armatimit në një veturë me targa të Beogradit në Zveçan ka parandaluar sulm terrorist në vend, derisa tha se kjo është vetëm një pjesë e armatimit që ka hyrë së fundmi nga Serbia në Kosovë.
“Kjo është vetëm një pjesë e armatimit që ka hyrë nga Serbia kohët e fundit. Unë duke parë punën e policisë nga afër, jam i bindur se Policia e Kosovës shumë shpejt jo vetëm që do të zbulojë pjesën tjetër por edhe do të arrestojë ata që janë të përfshirë në sjelljen e këtij armatimi dhe përdorimin e tyre”, ka thënë Sveçla në një intervistë për magazinën “Lajmet e Fundit” në RTK.
Ai ka thënë se Serbia është jashtëzakonisht e interesuar që ta destabilizojë këtë pjesë të Kosovës, por që institucionet e vendit janë të përkushtuara së bashku me aleatët KFOR-in e Eulexin të parandalojnë çfarëdo eskalimi, por edhe në vendosjen e rendit dhe ligjit.
Sveçla ka thënë se policia tashmë i ka informatat e para mbi personat që janë të përfshirë në sjelljen dhe vendosjen e armatimit, por potencialisht edhe në realizimin e akteve terroriste.
“Këto armë janë jashtëzakonisht të rrezikshme qoftë për personelin e policisë e po ashtu edhe për të gjithë qytetarët. Kjo e konfirmon edhe një herë se Serbia është e përfshirë jo vetëm në cytjen e financimin, por edhe në organizimin, armatimin dhe trajnimin e të gjitha këtyre grupeve të milicisë fashiste, e cila po i reziston rendit dhe ligjit dhe punës sonë për një zhvillim të demokracisë edhe në këto katër komuna në veri”, ka shtuar Sveçla.
Ai ka thënë se vendosja e rendit e ligjit, siguria, sovraniteti e integriteti territorial në asnjë moment nuk mund të vihen në pikëpyetje.
“Do të punojmë ditë e natë që ato t’i sigurojmë, që të mbretërojë qetësi edhe për shtetasit që jetojnë në këtë pjesë të vendit pavarësisht përkatësisë etnike dhe të gjithë kriminelët të sillen para drejtësisë”, ka thënë ministri Sveçla.
Ai tutje ka thënë se Policia e Kosovës dhe AKI-ja janë jashtëzakonisht efikase në parandalimin e çfarëdo rreziku për vendin. Ai ka pranuar se ka sfida dhe në situata të tilla kërkohet shumë punë e djersë, por edhe rreziqe për pjesëtarët e policisë dhe të AKI-së, por ka thënë se këto institucionet deri tani kanë treguar se janë të suksesshme në kryerjen e detyrave për të neutralizuar çdo rrezik që i kanoset qytetarëve dhe institucioneve të vendit.
Ai ka thënë se institucionet e Kosovës kanë vullnet të mirë për të zvogëluar numrin e policëve në katër komunat e veriut, por se kjo duhet të ndodhë pasi situata të qetësohet dhe pasi që “milicia fashiste të largohet dhe të sigurohet qetësia atje”.
Ministri ka konfirmuar po ashtu se sot tre policët e kidnapuar në veri nga ana e Serbisë janë vizituar nga familjarët e tyre në burgun e Kralevës, teksa ka shprehur shpresën se ata shumë shpejtë Serbia do t’i bindet presionit ndërkombëtar dhe ata do të lirohen.
Të tjera
-
Ish-kreu i Bankës Qendrore Evropiane: Ekonomia e BE, përpara një krize “ekzistenciale”
“Europa e ka humbur revolucionin digjital të shkaktuar nga interneti si dhe f...
-
Administrata Biden i ka dërguar Kongresit raportin mbi strategjinë për luftën në Ukrainë
Administrata e Presidentit Joe Biden i ka dërguar Kongresit një raport të kla...
-
Vlerësimi për performancën e Kuvendit gjatë sesionit pranveror, shpaloset sot
Raporti për vlerësimin mbi performancën e Kuvendit të Kosovës, gjatë sesionit...
-
Paralajmërimi për vërshime, ekipet emergjente në Prishtinë janë në gatishmëri
Komuna e Prishtinës ka bërë të gjitha përgatitjet pas paralajmërimeve nga Ins...
-
“Karantina gjatë pandemisë së COVID-19 mund të ketë plakur para kohe trurin e adoleshentëve”
Një studim nga Universiteti i Uashingtonit ka zbuluar se pandemia COVID-19 mu...
-
Publikohet analiza për regjistrim të popullsisë dhe ndikimi në komuna
Instituti Kosovar për Qeverisje Lokale (KLGI), mban konferencën në të cilin d...
-
Moti sot kryesisht i vranët dhe me shi
Instituti Hidrometeorologjik i Kosovës, njofton se sot mban mot kryesisht i v...
-
Lajçak takon Vuçiqin sot në Beograd
Sot, presidenti i Serbisë, Aleksandër Vuçiq, do të takohet me përfaqësuesin s...
-
Moti për nesër: Reshje të dendura shiu, mund të shkaktojnë probleme apo përmbytje
Nesër në Kosovë pritet të kemi mot plotësisht të vranët dhe me rrebeshe e res...
-
Apple prezanton serinë e re të smartfonëve
Firma globale e teknologjisë me bazë në SHBA, Apple, prezantoi sot serinë e s...
-
Ish-deputeti i Vetëndosjes: Me Kurtin mbaron tranzicioni politik, e votuan veç me i çu tjerët n’shpi
Ish-deputeti i Lëvizjes Vetëvendosje, Fatmir Humolli, tha në Pressing në T7 s...
-
Gashi: Qeveria Kurti me afera të jashtëzakonshme korruptive
Shefi i grupi parlamentar të Lidhjes Demokratike të Kosovës Arben Gashi ka pa...