Lajme

Sveçla dhe Komisionerja Evropiane për Punët e Brendshme flasin për luftën kundër krimit të organizuar

Autori: Gazeta inFokus 13:32 | 02 December 2021

Ministri i Punëve të Brendshme Xhelal Sveçla sot ka takuar Komisioneren Evropiane për Punët e Brendshme Ylva Johansson.

Sveçla njoftoi Johansson me prioritetet dhe rezultatet e Qeverisë së Kosovës në luftën kundër krimit të organizuar dhe korrupsionit dhe sfidat konkrete në këtë fushë.

Ministri i Punëve të Brendshme gjithashtu theksoi rëndësinë e vazhdimit të bashkëpunimit konkret në luftën e përbashkët me BE-në në luftimin e trafiqeve të ndryshme, përfshirë këtu edhe kontrabandimin me migrantë.

-Advertisement-

Komisionerja Evropiane për Punët e Brendshme theksoi vazhdimin e mbështetjes konkrete për Kosovën dhe fushat me interes së përbashkët, njofton Klankosova.tv.

Të dy u dakorduan se do të vazhdojnë të bashkëpunojnë për një Evropë më të sigurt dhe në bashkëpunim me BE-në dhe vendet tjera, të shënojnë progres në rrugën drejt integrimit evropian.

Sveçla ftoi komisioneren që të vizitojë Kosovën dhe nga afër të shoh përparimet dhe sfidat në fushën që mbulohet nga dyja palët.

Subscribe në YouTube: GAZETA INFOKUSI