Lajme

Suspendohet zyrtari i cili tha se Drenica duhet të rrethohet me tela

Autori: Gazeta inFokus 07:19 | 19 May 2020

Policia e Kosovës e ka suspenduar nga puna zyrtarin policor, Besnik Demiri, i cili më herët përmes një postimi në rrjete sociale, ofendoi banorët e rajonit të Drenicës, duke thënë se ata duhet të rrethohen me tela si në kopshtr zoologjik

Kjo është konfirmuar për Gazetën Metro nga zëdhënësi i Policisë për rajonin e Prishtinës, Daut Hoxha.

“Po, ju konfirmoj se lidhur me rastin e potencuar nga ana e juaj, një zyrtar policor nga rajoni i Prishtinës është supsenduar nga detyra”, ka thënë ai.

-Advertisement-

Ndërkaq, Demiri më herët ka përdorur gjuhë raciste në një grup në rrjetin social Facebook, në të cilin publikohen barcoleta.

Ky i fundit, shkroi një të tillë në lidhje me banorët e Drenicë, duke thënë se këta duhet të rrethohen si në kopsht zoologjik.

Kjo ka marrë reagime të shumëta në rrjete sociale, si deklaratë skandaloze e një zyrtari që vjen nga një institucion shumë i rëndësishëm, siç është Policia e Kosovës.

Kujtojmë se kohëve të fundit disa zyrtarë policor janë supsenduar e përjashtuar nga puna, për shkak të komenteve të bëra në rrjete sociale.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme