Lajme

Sulmohet zyra e KQZ-së në Mitrovicën e Veriut

Autori: Gazeta inFokus 13:57 | 06 December 2022

Xhamat e zyrës së KQZ-së në Mitrovicën e Veriut janë thyer nga persona të panjohur, disa ditë para mbajtjes së zgjedhjeve për kryetar të katër komunave në veri.

Zyra e Komisionit Qendror të Zgjedhjeve në Mitrovicën e Veriut është sulmuar nga persona të panjohur mbrëmjen e së hënës së pesë dhjetorit.

Sipas banorëve të asaj pjese, disa persona janë munduar që t’i vënë flakën.

-Advertisement-

Presidentja e Kosovës, Vjosa Osmani, ka caktuar 18 dhjetorin si datë për zgjedhje të jashtëzakonshme për kryetarë të katër komunave veriore të Kosovës: Mitrovicë Veriut, Zubin Potok, Leposaviq dhe Zveçan.

Të katër komunat veriore kanë mbetur pa kryetarë, pas dorëheqjeve të kryetarëve nga radhët e Listës Serbe.

Presidentja Osmani sot është konsultuar me partitë politike për datën e zgjedhjeve të jashtëzakonshme. Në fund është vendosur për datën 18 dhjetor.

Osmani në konferencë për media pas takimit me partitë politike kishte thënë se do t’i dërgojë kërkesë partnerëve ndërkombëtarë për monitorim të zgjedhjeve.

12 kandidatë janë certifikuar për zgjedhjet e jashtëzakonshme për kryetarë në katër komunat në veri të Kosovë, Leposaviq, Zubin Potok, Zveçan dhe Mitrovicë e Veriut, që do të mbahen më 18 dhjetor.

Këto zgjedhje erdhën si rezultat i dorëheqjes së kryetarëve serbë, pjesë e Listës Serbe, për të kundërshtuar vendimin e Qeverisë së Kosovës për targat.

Subscribe në YouTube: GAZETA INFOKUSI