Sulmet ndaj policisë në veri, Qalaj kërkon që forcat e rendin të pajisen me armë të gjata
Autori: Gazeta inFokus 22:01 | 15 April 2022
Katër sulme ndaj zyrtarëve të Policisë së Kosovës kanë ndodhur në tri ditët e fundit në pikat kufitare në veri të vendit, që dyshohet se kanë ardhur nga territori i Serbisë.
Fillimisht janë vënë iriqë metalikë në rrugën nga kanë kaluar, për të ua dëmtuar gomat e automjeteve. Në sulmin e dytë, zyrtarët policorë janë gjuajtur me gurë. Në sulmin e tretë kanë dëgjuar katër-pesë breshëri, diku rreth 30 fishekë, ndërsa në të katërtin janë përdorur granata dore dhe armë zjarri AK 47.
Sulme të tilla sipas ish-drejtorit të Policisë së Kosovës (PK), Rashit Qalaj, janë shqetësuese sepse tregojnë se “individë dhe grupe të organizuara kriminale, të mbështetura nga Beogradi dhe politika në veri, janë mjaft aktive në atë pjesë të vendit”.
Ai apeloi të pasuesi i tij, drejtori aktual i PK-së, Samedin Mehmetit, që në të gjitha pikat kufitare të shtojë njësitet policore dhe të njëjtit të pajisen me armë të gjata.
“Policia e Kosovës duhet ta shtojë numrin e zyrtarëve atje. Duhet të ketë edhe policë të Njësisë Special dhe përbërja duhet te jetë e përzier, pra të ketë edhe policë serbë edhe shqiptarë. Këto sulme po vijnë nga individë dhe grupe kriminale që kanë lidhje të ngushta me Listën Serbe, politikën e veriut dhe Beogradin”, tha Qalaj në një prononcim për Telegrafin.
Sipas tij, zyrtarët e Policisë së Kosovës është dashur që në momentin kur janë sulmuar me armë, të gjuajnë edhe ata për t’u vetëmbrojtur, pasi “askush s’ka të drejtë ta rrezikojë jetën e një polici”.
Ndërsa, sa i përket deklaratës së ministrit të Punëve të Brendshme, Xhelal Sveçla, i cili njoftoi sot se ka tri ditë që patrullat policore po sulmohen me mjete të ndryshme, Qalaj tha se është shqetësuese që informata të tilla nuk janë bërë të ditura për publikun deri sot.
“Është shqetësuese që informata me mbet e tillë, por sido qetë jetë mirë që kjo situatë është sqaruar dhe publiku është informuar. Tani, Policia e Kosovës dhe Agjencia e Kosovës për Inteligjencë duhet të mbledhin informatat e nevojshme për individë apo grupe që merren me këto aktivitete dhe pastaj Prokuroria dhe Policia duhet t’i kryejnë procedurat për arrestimin e tyre”, shtoi ai.
Por, ndryshe thotë eksperti i sigurisë, Drizan Shala, sipas së cilit, Policia e Kosovës në këtë rast ka vepruar me maturi duke mos dhënë informacione.
“Grupe të caktuara të lidhura me pushtetin serb përmes strukturave të tyre paralele serbe në Kosovë, kanë bërë sulme të vazhdueshme ndaj zyrtarëve të Policisë së Kosovës për tri ditë. Në aspektin e sigurisë, PK-ja duhet të veprojë siç ka vepruar deri tani me maturi dhe profesionalizëm duke i identifikuar kryesit e veprës ndaj institucionit të tyre dhe pastaj të merren veprime të tjera”.
“Policia në këtë rast ka vepruar me mençuri duke mbajtur informacionet larg publikut derisa ka dalë përmes një deklarimi se si ka rrjedhur e gjithë ngjarja gjatë këtyre tri ditëve”, deklaroi Shala.
Mes tjerash, ai theksoi se cak i sulmeve ka qenë institucioni i Kosovës, dhe se sulmuesit kanë rrezikuar edhe bashkëkombësit e tyre serbë, sepse “ata mendojnë se çdo person që i shërben institucioneve të Kosovës është armik i Serbisë”.
Kjo çështje sipas Shalës është politike dhe duhet të zgjidhjet përmes dialogut në Bruksel, ndërsa sa i përket sigurisë, “institucionet duhet t’i bashkërendojnë veprimet e tyre edhe me mekanizmat ndërkombëtarë në mënyrë që rrjedhja e informacioneve të jetë më e lehtë dhe në rast se ka tentative tjera për sulme të parandalohen përmes planeve konkrete”.
Sulmet kundër pjesëtarëve të Policisë së Kosovës i kanë dënuar ashpër Zyra e Bashkimit Evropian në Kosovë, Ambasada e SHBA, misioni NATO-s në Kosovë – KFOR, liderët institucionalë e opozitarë.
Të tjera
-
Voton Ardita Sinani: Dilni të votoni, sot vendoset për 4 vitet që i kemi përpara
Kandidatja për kryetare të Preshevës, Ardita Sinani, ka shfrytëzuar të drejtë...
-
Kurti në Stamboll takoi afaristë shqiptarë që veprojnë në Turqi, i fton të investojnë në Kosovë
Gjatë qëndrimit në Turqi, përkatësisht në Stamboll, Kryeministri i Republikës...
-
Arifi: Qytetarët të dalin në zgjedhje dhe ta votojnë më të mirin
Kryetari aktual i Komunës së Bujanocit, kryetari i Partisë Demokratike, Nagip...
-
Mbi 2 milionë kosovarë vizituan Selanikun pas liberalizimit të vizave
Pas liberalizimit të vizave në Kosovë, numri i turistëve që kanë vizituar qyt...
-
Niset grupi i parë i besimtarëve për në Haxh
Sot është nisur një grup prej 215 besimtarëve islam drejt vendeve të shenjta ...
-
Deputeti i VV-së: Në zgjedhjet e radhës Vetëvendosja dhe GUXO do të thyejnë rekordin e votave
Nga mazhoranca po thonë se ‘përplasja’ e Konjufcës dhe Osmanit do t’i kontrib...
-
Pamje nga aksioni ku u konfiskuan 33 kilogramë ari
Shtatë argjendari janë kontrolluar gjatë ditës së djeshme në rajonin e Gjilan...
-
Vdes ish-ushtari i UÇK-së nga Drenasi, ishte plagosur në Pashtrik gjatë kalimit të kufirit me Shqipërinë
Ka ndërruar jetë, ish-ushtari i UÇK-së, Milazim Syla nga fshati Kishnarekë e...
-
Osmani në takim me presidentin e El Salvadorit: Vendet tona kanë potencial të madh për bashkëpunim
Presidentja e Kosovës, Vjosa Osmani, është takuar me presidentin e El Salvado...
-
Ndalohet një tentim kontrabande me pije alkoolike nga Serbia
Dogana e Kosovës ka njoftuar se janë zbuluar dy rastet të kundërvajtjeve doga...
-
Dogana publikon fotografi të arit të sekuestruar në argjendaritë e rajonit të Gjilanit
Dogana e Kosovës ka publikuar pamje të arit që është sekuestruar në disa argj...
-
Roth: Shqetësuese lidhjet e ngushta të disa politikanëve malazezë me Vuçiqin – Kisha Ortodose Serbe kanal i ndikimit rus
Michael Roth, Kryetar i Komitetit për Politikë të Jashtme i Bundestagut dhe i...