Lajme

Sulmet kibernetike, Prokuroria e Tiranës kërkon sekuestrimin e të dhënave në tri shtete

Autori: Gazeta inFokus 11:08 | 11 October 2022

Prokuroria e Tiranës ka kërkuar sekuestrimin e të dhënave dhe faqeve online në Hong Kong, Britaninë e Madhe dhe Rusi, në lidhje me sulmet kirbernetike ndaj Shqipërisë nga hakerat iranianë.

Sipas organit të akuzës, faqet me të cilat hakerat iranianë kanë bërë publike dokumentet e hakuara, që përbëjnë sekret hetimor, kanë IP në këto 3 shtete.

Gjykata e Shkallës së Parë Tiranë me vendimin nr.1864,1865 dhe 1866 Regj.Them. datë 06.10.2022 vendosi pranimin e kërkesës së prokurorisë.

-Advertisement-

Zbatimi i vendimit duhet të bëhet nëpërmjet dërgimit të kërkesës për ndihmë juridike nga organet ligjzbatuese të Britanisë së Madhe, Kinës dhe Federatës Ruse.

Hakerat iranianë pretendojnë se së fundmi kanë arritur të marrin të dhënat nga sistemi “Depp See” i policisë shqiptare.

Në një njoftim të fundit në platformën e komunikimit Telegram, ata shprehen: “Është hapur Kutia e Pandorës, qeveritë arrogante vazhdojnë dëshpërimisht të mohojnë të vërtetën.”

Formati “Deep Sea”, përfshin çdo informacion të mundshëm për çdo person me një të kaluar kriminale./Euronews.al

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme