Lajme

Subvencionimet, Kurti fton bizneset që të investojnë në pajisje efiçiente

Autori: Gazeta inFokus 22:33 | 22 November 2023

Kryeministri i Kosovës, Albin Kurti, ka shkruar në Facebook të mërkurën për Parkun për subvencionimin e pajisjeve efiçiente për ngrohje.

Ai ka ftuar biznezet që të investojnë në pajisje efiçente e kështu ta marrin edhe subvencionimin e Qeverisë.

”Sot nisëm masën e gjashtë me radhë për efiçiencë të energjisë: Subvencionimi i pajisjeve efiçiente për ngrohje në mbështetje të ndërmarrjeve mikro, të vogla dhe të mesme. Këtë e lansuam publikisht në Parkun për Teknologji Digjitale “Tech Park Prishtina” në Bërnicë, që e inauguruam në tetor sivjet, investim ky 1.2 milion eurosh nga Qeveria e Kosovës. I ftojmë bizneset që të investojnë në pajisje efiçiente për ngrohje si pompë termike, kondicionerë, kaldajë me biomasë dhe stufa individuale me biomasë, përmes subvencionimit të Qeverisë”, ka shkruar Kurti.

-Advertisement-

Ai ka thënë se suksesi i sektorit privat është edhe i ekonomië së vendit.

”Studimet ndërkombëtare kanë treguar se bizneset humbin rreth 1/3 e energjisë që e konsumojnë. Duke rritur efiçiencën ato përveçse kursejnë buxhetin e tyre dhe të shtetit, rrisin konkurrueshmërinë dhe produktivitetin. Sa më i suksesshëm sektori privat, aq më mirë për ekonominë e vendit”.

”Për bizneset që janë në pronësi apo bashkëpronësi të grave me 51% e më shumë, subvencionimi do të jetë edhe më i lartë – pa barazi gjinore nuk mund të kemi barazi shoqërore.

Aplikimi tashmë është i hapur dhe i ndarë në dy faza. Afati i fundit i fazës së parë është më 12 dhjetor 2023, kurse ai fazës së dytë më 10 janar 2024. Atë mund të bëni online përmes platformës e-Kosova”, ka shkruar Kurti.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme