Shëndetësi

Studimi i ri: Virusi që shkakton COVID-19 mund të jetojë në lëkurën tuaj për 9 orë

Autori: Gazeta inFokus 07:20 | 08 October 2020

Një ekip studiuesish nga Kyoto në Japoni kanë dalë në përfundimin se koronavirusi mund të mbijetojë deri në nëntë orë në lëkurën e një njeriu, pas një eksperimenti laboratorik të kryer.

Ata zbuluan se virusi mbijeton për nëntë orë, katër herë më shumë sesa mund të jetojë virusi i gripit A.

Stabiliteti i SARSCoV-2 në lëkurën e njeriut mbetet i panjohur, duke marrë parasysh rreziqet e ekspozimit viral ndaj njerëzve, shkruan autorët.

-Advertisement-

Për studimin ekipi mori lëkurën e njeriut nga mostrat e autopsisë mjeko-ligjore 24 orë më parë.

Studiuesit thonë se kjo është bërë për të shmangur infektimin e vullnetarëve të shëndetshëm. Qelizat e lëkurës ishin të përziera me mostrat e coronavirusit dhe me virusin e gripit A, i cili gjithashtu përhapet përmes pikave dhe kontaktit njerëzor.

Rezultatet treguan se virusi i gripit jetoi për afërsisht 1.8 orë në lëkurë.

Koha e mbijetesës së koronavirusit në lëkurën e njeriut ishte rreth nëntë orë, dukshëm më e gjatë se lloji i gripit. Kur përzihej me mukus nga mostrat e traktit të sipërm respirator, koronavirusi jetoi për rreth 11 orë në krahasim me 1.69 orë për virusin e gripit.

Të dy viruset u inaktivuan plotësisht brenda 15 sekondave me mjet pastrues dore që përmbante 80 përqind alkool.

Aktualisht, Qendrat për Kontrollin dhe Parandalimin e Sëmundjeve rekomandojnë përdorimin e fërkimeve të duarve me bazë alkooli me 60 për qind deri në 95 për qind alkool ose larjen e plotë të duarve me sapun dhe ujë për të paktën 20 sekonda.

Subscribe në YouTube: GAZETA INFOKUSI
Etiketa:
Fillon aplikimi për Global Engineer Girls Kosova

Të tjera

Fokusi

shendetesi