Sipas një studimi të ri shkencor, duket se njerëzit preferojnë më shumë serialet televizive sesa marrëdhëniet intime. Ndërsa studimi shqyrtoi përdorimin e të dhënave në përgjithësi, është e lehtë të fajësosh platforma si Netflix, një nga shërbimet më të njohura të transmetimit kohët e fundit. Një aspekt shqetësues i hulumtimit është fakti se shumë njerëz nuk shikojnë më seriale së bashku.

Sipas raporteve të disa pjesëmarrësve në studim, ka një tendencë në rritje për të parë programet televizive në pajisje celulare, veçanërisht tablete. Një pjesëmarrës vëzhgoi sesi përdorimi i tabletëve “e revolucionarizoi mënyrën se si ne shikojmë serialet televizive në shtrat”, ndërsa një tjetër raportoi se shikimi i disa programeve vetëm me një tablet në shtrat, pasi shikonte diçka me familjen e tij në dhomën e ndenjjes, “sjell gjumin”.

Studimi, i botuar në revistën ‘Energy Research and Social Science’ dhe i kryer nga një ekip ekspertësh nga Universiteti i Lancaster, kërkoi që disa pjesëmarrës të mbanin ditarë për të monitoruar aktivitetet e tyre në internet. U zbulua se aktualisht koha më e ngarkuar për përdorimin e internetit është midis orës 22:00 dhe 23:00, një periudhë kohore që, në të kaluarën, ishte e rezervuar për intimitetin. Studimi analizoi prova nga afro 400 pajisje për të treguar se konsumi maksimal i energjisë elektrike tani është shumë më intensiv se në të kaluarën, falë popullaritetit të shërbimeve si Netflix, YouTube dhe të tjera.

-Advertisement-

Një studim tjetër i fundit zbuloi se 39% e të rriturve të moshave 18-29 vjeç pranojnë se janë në internet “pothuajse vazhdimisht”. Nuk është çudi që hulumtimet e fundit kanë zbuluar se njerëzit midis moshës 18 dhe 22 vjeç janë grupi social më i vetmuar në Amerikë, ai që ndihet gjithnjë e më i shkëputur nga bashkëmoshatarët e tyre. Studimi është një shqetësim i veçantë në dritën e disa gjetjeve të vitit 2016 në lidhje me rënien e aktivitetit seksual në shoqërinë tonë nga statisticieni i kërkimit të Universitetit të Kembrixh, David Spiegelhalter.

Sipas Spiegelhalter, në vitin 1990 çiftet kishin mesatarisht rreth 5 herë marrëdhënie seksuale në muaj, por tani janë vetëm tre, që përfaqëson një rënie prej 40% në më pak se njëzet vjet. Lidhur me këto të dhëna ai parashikon se:

Me këtë ritëm, çiftet nuk do të bëjnë fare dashuri deri në vitin 2030, sepse njerëzit po i çojnë iPad-ët në shtrat.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-