Thomas Strakosha është portieri i ri më i mirë në Europë, ndërsa qëndron përkrah emrave më të mëdhenj të portës në nivel kontinental. Përfundimi ka ardhur bazuar në statistikat e paraqitjeve të talentit shqiptar me Lazio-n gjatë gjysmës së parë të sezonit. 22-vjeçari kuqezi është kthyer në një garanci për portën, duke dhënë kontribut të jashtëzakonshëm në ecurinë mbresëlënëse të Lazios. Mjafton të kujtosh 11-metërshin e neutralizuar të Dybala në duelin me Juventusin, apo pritjen ndaj Chiesa-s së Fiorentinës, që i dhuroi Lazios kualifikimin në gjysmëfinalet e Kupës së Italisë.

Thomas Strakosha nuk paguhet 6 milionë euro në sezon, por në klasifikimin special të portierëve më të rinj në ligat më të forta europiane pozicionohet i pari për numrin e pritjeve të realizuara në këtë edicion. 67 pritje përballë 45 të Gigio Donnarumma-s së Milanit, që renditet vetëm i pesti. Në podium pas shqiptarit janë 18-vjeçari i Toulouse, Alban Lafont dhe Bingourou Kamara i Strasbourg.

Strakosha është edhe mes 10 portierëve më të fort në nivel europian, duke llogaritur që numri i pritjeve mesatare për ndeshje është më i lart se David De Gea i Manchester United, Ter Stegen i Barcelonës apo Burki i Borussia Dortmund. Gjithashtu mes të rinjve, kuqezi spikat edhe për lojën me këmbë, pasi kalon Donnarumman edhe përsa i takon pasimeve gjatë ndeshjeve. Në këtë renditje të veçantë, Thomas kalon edhe Allisson të Romës, Courtois të Chelsea, De Gea të Manchester United dhe Pepe Reina të Napolit.

-Advertisement-

Bazuar në notat e ndeshjeve, shqiptari cilësohet portieri më i mirë i Serisë A deri në këtë pjesë të sezonit dhe jo rastësisht ndodhet në formacionin më të mirë të kampionatit italian. Paraqitjet dhe statistikat tregojnë se interesimi nga Juventusi, që e vlerëson si kandidatin më të mirë për të qenë pasardhës i Gianluigi Buffon nuk është i rastësishëm. Marotta dëshiron ta afrojë patjetër në skuadër, megjithatë misioni nuk është i lehtë, pasi Thomas Strakosha pëlqehet edhe nga Napoli e Milani, por mbi të gjitha ka tërhequr edhe vëmendjen e klubeve të mëdha nga ligat e tjera europiane.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-