Lajme

Stoltenberg parashikon se lufta në Ukrainë përfundon me negociata

Autori: Gazeta inFokus 22:58 | 16 November 2022

“Luftërat janë të rrezikshme, gabimet ndodhin ”, deklaroi Sekretari i Përgjithshëm i NATO-s, Jens Stoltenberg , në kuadër të intervistës së tij për BBC, pas rënies së raketës në kufirin ukrainas-polak.

Sekretari i Përgjithshëm i Aleancës së Atlantikut të Veriut nënvizoi se hetimet po vazhdojnë, ndërsa theksoi se Kievi ka çdo të drejtë për vetëmbrojtje.

Në të njëjtën kohë, ai shpjegoi se NATO po përgatitet për lëvizje të tjera të ardhshme përshkallëzuese që mund të shkaktohen nga një aksident, ndërsa theksoi se ekzistojnë kode të veçanta komunikimi mes SHBA-së dhe Rusisë, si dhe NATO-Moskës.

-Advertisement-

“Ne jemi përgatitur për incidente të tilla prej vitesh në NATO dhe po përpiqemi të sigurojmë që kur diçka e ngjashme ndodh gjatë një lufte situata të mos dalë jashtë kontrollit ”, theksoi Stoltenberg.

“Kjo u sigurua dje pasi ne reaguam me gjakftohtësi ”, shtoi ai. I pyetur për bisedimet ndërmjet Ukrainës dhe Rusisë, Stoltenberg theksoi se NATO ende e mbështet Kievin, ndërsa u fokusua edhe në vazhdimin e dërgimit të pajisjeve ushtarake.

“Ukraina do të ketë fjalën e fundit ”, theksoi Sekretari i Përgjithshëm për një marrëveshje të mundshme paqeje, duke theksuar se Ukraina është një shtet i pavarur.

“Duhet të kujtojmë se jemi dëshmitarë të një lufte, në të cilën Rusia ka pushtuar një shtet tjetër ”, tha Stoltenberg.

“Ne të gjithë duam paqe dhe një zgjidhje të negociuar. Por në të njëjtën kohë duhet të kuptojmë se nëse Rusia dhe Putini e ndalojnë luftën, atëherë edhe Ukraina do të ndalet dhe do të ketë paqe”, shtoi ai.

“Nëse presidenti Zelensky dhe ukrainasit pushojnë së luftuari, atëherë Ukraina do të pushojë së qeni një shtet i pavarur ”, theksoi Stoltenberg.

“Lufta do të përfundojë me negociatat ”, përfundoi Sekretari i Përgjithshëm i NATO-s./abcnews.al

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme