Lajme

Stojanoviq: Do të punojmë që ta formojmë Asociacionin

Autori: Gazeta inFokus 10:05 | 11 June 2017

Ish-zëvendëskryeministri i Kosovës, Branimir Stojanoviq, ka shfrytëzuar të drejtën e tij për të votuar, ku pasi që ka votuar ka thënë se pret që zgjedhjet të kalojnë mirë dhe të mos ndodhin presionet e institucioneve.

Ai tha se kanë punuar në interes të serbëve dhe se do të vazhdojnë të punojnë që të formojnë Asociacionin e Komunave Serbe.

“Para së gjithash pres që zgjedhjet të kalojnë mirë pa asnjë presion, që mos të ndodhin presionet e institucioneve dhe njerëzit të bëjnë atë që donë në mënyrë që zgjedhjet të kalojë sa në mënyrë më të rregullt. Pres që njerëzit të tregojnë përgjegjësi siç kanë treguar më herët ta kryejnë detyrën e tyre dhe se ajo çka mendojnë ata do të shihet sonte. Ne kemi punuar në interesin e serbëve pa mbështetje pa asnjë interes…kjo është çka kemi punuar deri sot, kjo është ajo çka do të punojmë edhe në të ardhmen.. para së gjithash do të punojmë që ta formojmë asociacionin”, tha Stojanoviq.

-Advertisement-

Në Graçanicë, qendra më e madhe e votimit në shkollën “Mbreti Milutin” është hapur me kohë, ku menaxheri i kësaj qendre tha se ajo është hapur në kohën e paraparë, në orën 7:00.

“Në këtë vend që është më i madhi në Graçanicë qendra e votimit është hapur me kohë. Në këtë vendvotim kanë të drejtë të votojnë afër 8 mijë persona, ndërsa janë nëntë vendvotime”, tha Miletiq.

Ndër votuesit e parë në këtë shkollë ishte qytetari Miloje Mikiq, i cili tha se çdo herë voton dhe se pret një të ardhme me të mirë, më shumë drejtësi që të gjithë popujt të jetojnë njëjtë.

“Një të mirë për të gjithë popujt që jetojnë në këto hapësira.. pres të ardhme më të mirë, liri më të mirë, më shumë drejtësi. që të gjithë të jetojnë njëjtë, vetëm respekt dhe punë.. deri sot nuk kam qenë i kënaqur tash e pas ta shohim. Si të vinë në karrige na e kthejnë shpinën”, tha Mikiq.

Në këtë qendër pritet të votojnë rreth 8000 persona, ndërsa, sipas zyrtarëve të KQZ-së, në të gjitha qendrat e votimit në Graçanicë pritet të votojnë rreth 21400 persona. /KP/

Subscribe në YouTube: GAZETA INFOKUSI