Lajme

Stano mirëpret deklaratat e qeverisë për zbatim të marrëveshjes, por kërkon veprim

Autori: Gazeta inFokus 14:32 | 22 November 2024

Bashkimi Evropian e ka mirëpritur gatishmërinë e Qeverisë së Kosovës për zbatimin e marrëveshjes për normalizimin e marrëdhënieve me Serbinë.

Zëdhënësi i BE-së, Peter Stano, tha se duhen hapa konkretë dhe jo vetëm deklarata.

“Ne mirëpresim gatishmërinë e deklaruar të Kosovës për të filluar zbatimin e Marrëveshjes për Rrugën e Normalizimit, kërkojmë që të përputhet deklarata me veprime konkrete dhe të fillojë ta bëjë këtë menjëherë. Si Kosova ashtu edhe Serbia duhet të zbatojnë të gjitha obligimet e tyre të dialogut pa ndonjë vonesë të mëtejshme apo vendosjen e parakushteve të reja në mënyrë që të bëjnë përparim në rrugën e tyre përkatëse evropiane. Dështimi për të zbatuar atë që është rënë dakord do të ndikojë në aftësinë e tyre për të avancuar në aspiratat e tyre evropiane. BE-ja është lehtësuesi i dialogut për normalizimin e marrëdhënieve ndërmjet Kosovës dhe Serbisë dhe jo palë në marrëveshje”, tha Stano për rtv21.

-Advertisement-

Kryeministri Albin Kurti, ka deklaruar se Kosova është e gatshme të zbatojë marrëveshjet për normalizim të marrëdhënieve, por ka shtuar se partneriteti në zbatim është i pamundur pa respektimin e plotë të marrëveshjeve nga Serbia.

Bashkimi Evropian ka kërkuar nga Qeveria e Kosovës hapa konkretë për themelimin e Asociacionit të komunave me shumicë serbe duke thënë se ky është obligim ligjor. Por, kryeministri ka thënë se nuk është qeveria ajo që themelon asociacione.

Qeveria e ka quajtur draft-statutin evropian për Asociacionin një “non-paper” pa nënshkrim.

Subscribe në YouTube: GAZETA INFOKUSI
Etiketa:
UFC EKSKLUZIVISHT NË ARTMOTION!
-Advertisement-

Të tjera

Fokusi

lajme