Sport

Spanjollët zbulojnë se si Xavi e tradhtoi Laportan dhe pse legjenda e Barcelonës u largua nga klubi

Autori: Gazeta inFokus 12:34 | 28 May 2024

Presidenti i Barcelonës, Joan Laporta zhvilloi një takim me tashmë ish-trajnerin Xavi në shtëpinë e tij ku trajneri i atëhershëm e siguroi se ka besim të plotë në skuadrën aktuale dhe se sezonin e ardhshëm do të kalojnë me ndryshime të vogla.

Sipas gazetës Marca, kjo është ideja që ekzistonte në klub, kështu që u vendos që të mbahej Xavi, dhe gjëja më e habitshme ndodhi disa ditë më vonë kur Barcelona u mposht nga Girona me rezultat 4:2, pas së cilës trajneri theksoi se ekipit i nevojiten ndryshime lojtarësh.

Ai bëri një raport së bashku me drejtorin sportiv Deco, dhe Xavi paraqiti kërkesat e tij në sektorin e sportit të katalunasve dhe donte katër lojtarë të rinj në çdo pozicion në ekip.

-Advertisement-

Në pozicionin e mesfushorit të fundit donte të sillte Martin Zubimendin ose Joshua Kimich, në pozicionin e mbrojtësit anësor donte Julian Foyth, ndërsa në mesfushë kishte planifikuar të sillte Bernardo Silvën ndërsa në krahun e sulmit dëshironte Nico Williamsin.

Përveç Foythit, të gjithë kanë një çmim të përafërt që varion nga 50 deri në 60 milionë euro, gjë që për momentin është e papranueshme për katalunasit.

Kjo nuk i pëlqeu presidentit të klubit, i cili do të duhej të shiste disa nga lojtarët aktualë për të sjellë përforcimet që kërkon Xavi, ndaj ish-mesfushori i ekipit donte të hiqte qafe lojtarë Vitor Roque, Oriol Romeu, Marcos Alonso, Roberto Lewandowski, Joao Felix dhe Joao Cancelo.

Një tjetër futbollist që Xavi dëshironte të shiste ishte Raphinha pasi ai ndjeu se pozicionet e krahut ishin të mbuluara mirë me Lamine Yamala dhe Nico Williams ndërsa Ferran Torres do të vepronte nga bankina si zëvendësues për të dy pozicionet e krahut.

Një tjetër lojtar që duhej të largohej ishte Frenkie de Jong për të mbledhur burime financiare për Bernardo Silva, por Laporta nuk donte të linte kaq shumë lojtarë të largoheshin, sepse beson se skuadra aktuale është e mirë dhe se me disa ndryshime mund të jetë konkurruese.

Kujtojmë se Hansi Flick, ish-trajneri i Bayernit dhe Kombëtares së Gjermanisë, do ta pasojë Xavi në stolin katalanas.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai

Të tjera

Fokusi

sport