Lajme

Sot takohet grupi punues i BE-së, në rend dite çështja e vizave për Kosovën

Autori: Gazeta inFokus 07:11 | 10 November 2022

Grupi Punues i Këshillit Evropian të BE-së sot në Bruksel, do të diskutojë çështjen e heqjes së regjimit të vizave për Kosovën.

Çështja e liberalizimit të vizave ka mbetur peng për më shumë se tri vjet, për shkak se ka pasur shtete skeptike për sa i përket lëvizjes së lirë të qytetarëve të Kosovës, duke argumentuar se nuk ka ardhur ende koha për një gjë të tillë, raporton RTKlive.

Ndërkohë, dy institucionet e tjera të BE-së, që kanë rol në vendimmarrje, Komisioni Evropian dhe Parlamenti Evropian, kanë shfaqur mbështetjen e plotë për liberalizimin e vizave për Kosovën.

-Advertisement-

Komisioni Evropian ka konfirmuar se Kosova i ka përmbushur të gjitha kriteret e nevojshme nga udhërrëfyesi për liberalizimin e vizave dhe ka rekomanduar që të hiqen vizat për qytetarët e saj.

Subscribe në YouTube: GAZETA INFOKUSI