Lajme

Sot skadon marrëveshja e drithërave të Detit të Zi, ende nuk dihet nëse do të zgjatet

Autori: Gazeta inFokus 09:14 | 17 July 2023

Rusia ende nuk ka treguar nëse do të prishë marrëveshjen e grurit të Detit të Zi pasi marrëveshja do të përfundojë sot.

Moska ka kërcënuar që nga zgjatja e fundit e saj në qershor se nuk do të rinovojë marrëveshjen, e cila lejon eksportin e sigurt të grurit ukrainas, thelbësor për ushqimin në disa nga rajonet më të varfra të botës.

Që nga mbrëmë, marrëveshja nuk u zgjat, por dy burime të OKB-së i thanë agjencisë ruse të lajmeve TASS se “gjithçka është e mundur”.

-Advertisement-

“Ne presim qëndrimin e Moskës”, citoi TASS të ketë thënë një nga burimet.

Ankesat e Rusisë përqendrohen rreth kërkesave që të hiqen pengesat për eksportet e saj të drithërave dhe plehrave, shkruan Skyneës, transmeton Klankosova.tv.

Ukraina është ndër eksportuesit kryesorë në botë të drithërave, me afro 33 milionë tonë metrikë misër, grurë dhe drithëra të tjera të eksportuara sipas marrëveshjes.

Kjo marrëveshje ka ulur çmimet e ushqimeve me më shumë se 20% globalisht, sipas OKB-së.

Anija e fundit u largua nga Ukraina sipas marrëveshjes dje.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme