Sport

Sot luhet derbi i javës së 11-të në Superligën e Kosovës

Autori: Gazeta inFokus 09:37 | 24 October 2019

Sot do të luhet ndeshja e fundit e javës së 11-të në Superligën e Kosovës në futboll.

Në stadiumin “Fadil Vokrri”, Prishtina do ta presë skuadrën e Dritës së Gjilanit.

Prishtina, e cila renditet në pozitën e gjashtë në tabelë pas 10 ndeshjeve të zhvilluara do të kërkojë fitoren e dytë radhazi në kampionat pas asaj të arritur javën e kaluar ndaj Ferizajit në udhëtim.

-Advertisement-

Ndërsa Drita renditet e dyta me tri pikë më pak se lideri, Gjilani do të tentoj ta vazhdojë serinë fantastike prej 9 ndeshjeve pa humbje në Superligën e Kosovës në futboll.

Kujtojmë që tek Prishtina sot do të mungojë mesfushori Endrit Krasniqi për shkak të kartonëve.

Prishtina dhe Drita pas luftës kanë zhvilluar 45 ndeshje zyrtare. Prishtina është larg më e mirë me 20 fitore, 16 barazime dhe vetëm 9 fitore të Dritës.

Gjyqtar kryesor i kësaj ndeshje do të jetë Tefik Maloku, ndërsa asistentët e tij do të jenë Fatlum Berisha dhe Bujar Selimaj, ndërsa çmimet e biletave do të jenë si më poshtë:

Tribuna lindore 3 €

Tribuna veriore 3 € (vetëm për tifozët mysafir)

Tribuna jugore, vetëm për Plisa

Tribuna perëndimore 5 €

Tribuna VIP 10 €

Ndeshja mes Prishtinës dhe Dritës fillon nga ora 18:00./

Subscribe në YouTube: GAZETA INFOKUSI
Etiketa:

Të tjera

Fokusi

sport