Lajme

Sot, ajër shumë i ndotur në Prishtinë

Autori: Gazeta inFokus 09:09 | 10 November 2022

Java e dytë e nëntorit e gjen Prishtinën sërish me ajër të ndotur.

Rënia e temperaturave ka bërë që shumë qytetarë, e sidomos ata që jetojnë nëpër shtëpi, t’i kthehen djegies së thëngjillit dhe druve si metodë për ngrohje, gjë që ndikon negativisht në cilësinë e ajrit.

Sipas të dhënave të ambasadës së Shteteve të Bashkuara të Amerikës në Kosovë, momentalisht në kryeqytet, ajri është i pashëndetshëm.

-Advertisement-

Një mjet për ta matur këtë është Indeksi i cilësisë së ajrit (AQI), i cili i kthen të dhënat e cilësisë së ajrit në numra dhe ngjyra për t’iu ndihmuar njerëzve të kuptojnë se kur duhet marrë masa për ta mbrojtur shëndetin e tyre.

Mbrëmë kur është shkruar ky artikull më 09.11.2022, matësi tregon se vlerat AQI janë 180 dhe është i shënjuar me ngjyrë të kuqe, që sinjalizon se është i pashëndetshëm.