Lajme

SKV-ja i lë notë të dobët komunikatës së MASHT-it

Autori: Gazeta inFokus 12:14 | 07 March 2018

Organizata Studentore për Barazi “Studim, Veprim, Kritikë” zhvilloi një aksion simbolik pas komunikatës me plot gabime drejtshkrimore dhe teknike të lëshuar nga MASHT-i të shtunën

Organizata e çoi te MASHT-i një baner me komunikatën të improvizuar si hartim shkollor i nxënësve, të cilën e notoi me notë të dobët.

Aksionin SKV-ja e zhvilloi në Ditën e Mësuesit kur shënohen 131 vjet të hapjes së shkollës së parë shqipe në Korçë.

-Advertisement-

Korab Muhadri nga kjo organizatë tha se gjuha shqipe në 20 vjetët e fundit po bastardohet.

“Gjuha shqipe bastardohet nga institucionet tona. Injorantë e analfabetë vihen bë maja të institucioneve tona të cilat qëllim duhet ta kishin arsiminin dhe jo degradimin”, tha Muhadri.

Muhadri foli edhe për përjashtimin e Agjencisë së Kosovës për Akreditim nga EQAR-i.

“Gjendja në arsim sipas tij nuk do të ndryshojë “përderisa në një komunikate për media nga Ministria e Arsimit bën dhjetëra gabime drejtshkrimore në katër paragrafë”, tha Muhadri.

Ai tregoi se SKV-ja ia ka korrigjuar gabimet Ministrisë së Arsimit.

“Sot përmes këtij aktiviteti po i korrigjojmë gabimet e kësaj ministrie por gabimeve të njëpasnjëshme që po ndodhin do t’u përgjigjemi me rezistencë”, përfundoi Muhadri.

KALLXO.com shkroi për komunikatën me shumë gabime të MASHT-it.

Subscribe në YouTube: GAZETA INFOKUSI
Etiketa:
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme