Lajme

Skenderaj, nis ndërtimi i një memoriali në vendin ku për herë të parë doli UÇK

Autori: Gazeta inFokus 12:56 | 16 September 2023

Kryetari i Komunës së Skenderajt, Fadil Nura, ka njoftuar se kanë vënë gurthemelin e ndërtimit të memorialit të daljes publike të UÇK-së në Llaushë të Skenderajt.

Nura në postimin e bërë në Facebook, ka thënë se vepra monumentale po bëhet në kujtim të pavdekshëm dhe nderimit të përjetshëm të çastit më historik të daljes publike të Ushtrisë Çlirimtare të Kosovës në Llaushë më 28 nëntor 1997.

“Bashkë me nënkryetarin gjeneral Sami Lushtaku, komandantin Jetullah Geci, deputetë të Parlamentit të Kosovës, ish-luftëtarë të Ushtrisë Çlirimtare të Kosovës, familjet e dëshmorëve, invalidët dhe bashkëqytetarët, vumë gurthemelin e ndërtimit të një vepre monumentale të kujtimit të pavdekshëm dhe nderimit të përjetshëm të çastit më historik të daljes publike të Ushtrisë Çlirimtare të Kosovës në Llaushë më 28 nëntor 1997”, thotë Nura.

-Advertisement-

Tutje, ai ka shtuar “Mirënjohje e përjetshme për UÇK-në”.

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme