Fokus

Skandaloze: Ministria e Bujqesisë i ndau grant 200 mijë euro kompanisë milionëshe “Apetit”, që falsifikoi dokumentet e shiti në Shqipëri mish të Brazilit si produkt të Kosovës

Autori: Gazeta inFokus 15:00 | 03 April 2024

Kompania milionëshe “Apetiti” e cila u bë edhe një herë tjetër skandal në media, por kësaj radhe edhe jashtë Kosovës po duket të ketë raport të mirë në Ministrinë e Bujqësisë.

Gazeta Infokus ka siguruar dokumentin e subvencioneve ku shihet se MBPZhR-së, ka ndarë grant prej 200 mijë eurosh për kompaninë “Apetiti” për të cilën kanë nisur edhe hetimet nga SPAK-u në Shqipëri pasi kjo kompani me dokumente të falsifikuara e shiste mishin e Brazilit për të cilin dyshohet se është i vjetër edhe deri në 5 vite si produkt të freskët të Kosovës.

E kur e gjithë kjo bëhej me dijeninë e plotë të institucioneve kosovare, konkretisht të Agjencisë së Ushqimit dhe Veterinarisë.

-Advertisement-

Në dokumentin e granteve të cilin e ka siguruar Gazeta Infokus, i cili nuk është bërë publik thuhet se kjo shumë është ndarë për kategorinë  “Investimet në asetet fizike – Përpunim i mishit për vitin 2020 – 2021”.

Në dokumentet për grantet thuhet se kompania “Apetit SH.P.K ka si aktivitete primre “Aktivitetet e ndërmjetësimit për shitjen e lëndëve të para bujqësore, kafshëve të gjalla, lëndëve të para tekstile dhe mallrave gjysmë të gatshme”.

Gazeta Infokus ka qëndruar të mërkurën në mëngjes tek baza e kësaj kompanie në rrugën Prishtinë – Mitrovicë, ku aksionari i kësaj kompanie, Arben Ferizi ka konfimruar se Agjencia e Ushqimit dhe Veterinarisë është duke kryer hetime brenda kompanisë.

“Nuk mundemi me ju pranu një herë se brenda janë inspektorë të AUVK duke kryer hetime, nuk e di nëse janë në zyrë apo tek shtalla”, ka thënë ndër të tjera Ferizi për Infokus.

Derisa skandalin e publikuar në media në Shqipëri e ka mohuar dhe ka thënë se kjo po ju bëhet për shkak të konkurrencës dhe mishit cilësorë që ata posedojnë.

Pra kompania kosovare “Apetit sh.p.k” me pronar Destan Ferizin bleu mish nga Brazili dhe atë e shiti në Shqipëri si mish me origjinë nga Kosova, duke falsifikuar dokumentet në bashkëpunim ilegal me inspektorë të shtetit, konkretisht të Agjencisë të Ushqimit dhe Veterinarisë (AUVK).

Skandali i kësaj kompanie u publikua nga mediat në Shqipëri derisa këtë të mërkurë Agjencia e Ushqimit dhe Veterinarisë ka urdhëruar ndaljen e menjëhershme të lëshimit të dokumenteve për eksport për kompaninë “Apetit sh.p.k”.

Zëdhënësi i AUV’it, Lamir Thaçi, ka thënë se tashmë është formuar Komisioni profesional që do të gjurmojë të gjitha hyrje-daljet e biznesit për të vërtetuar dyshimet e ngritura.

Për këtë rast janë informuar edhe Dogana e Kosovës dhe Administrata Tatimore e Kosovës.

E në lidhje me këtë është pezulluar nga puna inspektori Qenan Maxhuni, Inspektor Veterinar i AUV’së”. /Gazeta Infokus/

Sqarim: Teksti është korrigjuar pas një lëshimi ku është përmendur emri i ministrit aktual, Faton Peci si bartës i institucionit në kohën kur i është dhënë subvencioni kompanisë në fjalë. Në tekst përmendet përiudha 2020/2021 kur kompania Apetiti ka fituar grantin prej 200 mijë euro, por është lëshuar gabim emri i ministrit Faton Peci.

LEXO EDHE: Shkolla “Ismail Qemaili” dërgon nxënësit për ta promovuar kompaninë “Apetiti” që u bë skandal në Shqipëri për shitjen e mishit të Brazilit si produkt i Kosovës

 

Subscribe në YouTube: GAZETA INFOKUSI

Të tjera