Skandali me sigurimet, mbyllet ordinanca në Vushtrri
![](https://gazetainfokus.com/wp-content/uploads/2017/04/159395-lCEdA4hg4w-780x460.jpg)
Autori: Gazeta inFokus
14:30 | 28 April 2017
Ordinanca “Shëndeti-Po” në Vushtrri, sipas dyshimeve të policisë, ka lëshuar raporte fiktive mjekësore për disa kosovarë që jetojnë në Holandë me qëllim të përfitimit nga fondet e sigurimit shëndetësor. Ministria e Shëndetësisë i ka revokuar licencën kësaj ordinance derisa rasti po hetohet bashkë me policinë, raporton rtklive.com
Autoritetet holandeze kanë zbuluar një skandal të një ordinance private kosovare. “Shëndeti-Po”, një institucion privat shëndetësor në Vushtrri, të cilit i është revokuar licenca nga ana e Ministrisë së Shëndetësisë, me pronar teknikun mjekësor Ismail Sadiku, dyshohet se ka lëshuar raporte fiktive mjekësore për disa kosovarë që jetojnë të Holandë. Të njëjtit, kanë prezantuar dokumentacionin në fondin holandez të sigurimit që të rimbursoheshin për “shpenzimet e bëra” gjatë mjekimit sa kanë qëndruar në Kosovë.
Por, faturat ishin aq të fryra sa që menjëherë kanë lindur dyshimet dhe është alarmuar Ministria e Shëndetësisë së Kosovës se bëhej fjalë për manipulime. Rasti iu ka kaluar tashmë autoriteteve shëndetësore të Kosovës, por edhe hetuesisë.
Ndërkohë, në Inspektoratin Shëndetësor konfirmojnë se kanë pranuar kërkesë nga një kompani e sigurimeve shëndetësore në Holandë, në lidhje me raportet mjekësore të lëshuara nga Institucioni Privat Shëndetësor në Vushtrri.
Fillimisht faturat ishin lëshuar në emër të institucionit privat “Shëndeti”. “Pas shqyrtimit të dhënave dhe hulumtimeve të shumta të rastit, Inspektorati Shëndetësor ka lëshuar një raport inspektimi në të cilin ceket se institucioni i përmendur nuk figuron në listën e institucioneve shëndetësore private të licencuara në Kosovë”, ka thënë për rtklive.com, Ardita Baraku, Kryeinspektore në Inspektoratin Shëndetësor.
Baraku ka shtuar se ky institucion fizikisht nuk ka mundur të lokalizohet e as të inspektohet. “Dy nga punëtorët e përmendur kanë mohuar të jenë të involvuar në atë institucion përderisa punëtori i tretë nuk është gjetur në të dhënat e profesionistëve shëndetësor”, ka thënë ajo.
E para e inspektoratit shëndetësor, ka thënë se për shkak të gjetjeve, dhe disa parregullsive të dyshuara në ato raporte mjekësore të lëshuara nga ai institucion, është kërkuar edhe asistenca e policisë në zgjidhje të rastit.
“Për më tepër, nga e njëjta kompani e sigurimeve holandeze, është përcjellë dokumentacion shtesë në lidhje me tjetër institucion shëndetësor privat në Vushtrri (Shëndet-Po), ku gjatë inspektimit (me policinë) janë identifikuar parregullsi në funksionim të atij institucioni, por edhe janë ngritur dyshime për bashkëpunim me institucionin e parë të përmendur (Shëndeti)”, ka thënë kryeinspektorja shëndetësore, Ardita Baraku.
Ajo ka thënë se më shumë të dhëna mund të ofrojnë pasi që të hartojnë raportin zyrtar për këtë institucion.
Edhe Policia e Kosovës është duke e hetuar rastin. “Mund të konfirmojmë se ky rast është duke u hetuar nga drejtoria kompetente brenda Policisë së Kosovës”, thuhet në një përgjigje të shkurtër të dërguar përmes e-mailit nga Zyra për Informim e Policisë së Kosovës.
Rtklive.com, ka tri ditë rresht që provon të kontaktoj me pronarin e ordinancës “Shëndeti-Po”, Ismail Sadiku, i cila po hetohet nga policia për dyshime të mashtrimit. Por, ai nuk është gjetur as në institucionin ku dyshohet se është kryer vepra penale e as nuk është paraqitur në telefon.
![](https://gazetainfokus.com/wp-content/uploads/2024/01/EURO-2024-dhe-Serie-A-scaled-1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...