Lajme

Situatë alarmante e Covid-19 në Rusi, shënohet rekord viktimash

Autori: Gazeta inFokus 14:18 | 12 October 2021

Rusia ka regjistruar numrin më të lartë të viktimave nga koronavirusi që prej fillimit të pandemisë.

Task-forca për pandeminë tha se 973 persona vdiqën brenda 24 orësh, ndërsa kjo është dita e gjashtë me radhë me mbi 900 vdekje nga Covid.

218.345 persona kanë humbur jetën në Rusi që prej fillimit të pandemisë, ndërsa në 24 orët e fundit janë konfirmuar edhe 28,190 rase të reja infektimesh.

Autoritetet ruse fajësojnë normat e ulëta të vaksinimit për situatën.

Vetëm 29 për qind e rusëve janë plotësisht të vaksinuar, tha javën e kaluar Tatyana Golikova, zëvendëskryeministre e Rusisë, e cila mbikëqyr politikën shëndetësore.

Të tjera