Lajme

Situata në veri të Kosovës, Lajçak: Dhuna nuk është e pranueshme

Autori: Gazeta inFokus 15:29 | 31 May 2023

I dërguari i posaçëm i Bashkimit Evropian për dialogun Kosovë-Serbi, Miroslav Laçak, ka thënë se nevojitet një zgjidhje urgjente politike për situatën e tensionuar në veri të Kosovës.

Në llogarinë e tij në Twitter, ai ka thënë se dhuna është e papranueshme, njofton Klan Kosova.

“Gjatë dy ditëve të fundit kam marrë pjesë në Forumin Global të Sigurisë. Gjatë takimeve dhe bisedave të mia të shumta kam diskutuar për situatën në Ballkanin Perëndimor, në veçanti për tensionet dhe përshkallëzimin në veri të Kosovës. Ne kemi nevojë urgjente për një zgjidhje politike. Dhuna nuk është e pranueshme”.

-Advertisement-

Në këtë forum ka marrë pjesë edhe kryeministri Albin Kurti, ku tha se kryetarët e rinj të katër komunave në veri të Kosovës, nuk mund ta ushtrojnë detyrën e tyre jashtë objekteve komunale. Sipas tij, kjo do të ishte sikur të krijoheshin struktura paralele në veri të Kosovës.

Subscribe në YouTube: GAZETA INFOKUSI