Lajme

“Situata në veri, dramatike”, Berisha: Rama ndihmës i Vuçiq, i ka futur thika pas shpine Kosovës

Autori: Gazeta inFokus 14:38 | 01 June 2023

Ish kryeministri Sali Berisha teksa ka komentuar tensionet në Veri të Kosovës, e ka cilësuar situatën “më kritike se asnjëherë më parë që nga lufta e çlirimit të Kosovës”.

Nga ana tjetër, sipas Berishës, rivali i tij Edi Rama ka qenë një ndihmës i Presidentit serb, Aleksandër Vuçiq.

“Mendoj se situata në veriun e Kosovës, plumbat e bandave serbe në jelekët, por edhe plagosjet e ushtarëve të KFOR-it dëshmojnë se aty situata është më dramatike, më kritike se asnjëherë më parë që nga lufta e çlirimit të Kosovës. Mendoj se kjo shënon një degradim të paralajmëruar të gjendjes në veriun e Kosovës, të paralajmëruar për ata që e kanë të qartë se nacionalizmi serb në të gjithë qenien, ekzistencën, projektin e tij ka vetëm Serbinë e madhe dhe nuk ka asnjë projekt tjetër. Edi Rama ka qenë këto vite një ndihmës i shpifur i Aleksandër Vuçiç dhe ka futur thika pas shpine Kosovës në çdo moment. Në këtë kontekst, mos harroni fjalët e tij. “kur të fillojë lufta do më kërkoni mua që t’ju ndërmjetësoj tek vllai Vuçiq. Edi Rama është një aset i shpifur në duart e Vuçiçit”.

-Advertisement-

Reagimet e ndërkombëtarëve Berisha i sheh me skepticizëm nëse ato mund të ndikojnë pozitivisht në stabilitetin dhe paqen në rajon. “Druaj se dënimet dhe sanksionet ndaj Kosovës lexohen si inkurajim nga nacionalisti i verbër Vuçiç ndaj jam skeptik që ato mund të ndikojnë pozitivisht në stabilitetin dhe paqen në rajon”, u shpreh Berisha.

Subscribe në YouTube: GAZETA INFOKUSI
Etiketa:
Hej, hej, hej, erdhi Black Friday me zbritje deri në 75% në Comodita Home
-Advertisement-

Të tjera

Fokusi

lajme