Lajme

Sindikata e Policisë e dënon sulmin në veri ndaj policëve

Autori: Gazeta inFokus 18:08 | 17 July 2022

Sindikata e Policisë së Kosovës e ka dënuar ashpër sulmin ndaj zyrtarëve policor i cili ka ndodhur natën mbrëmshme në veri të vendit.

Në reagimin e sindikatës thuhet se me veprimin sipas ligjit nga prokuroria dhe gjykata do të ndikonte në parandalimin e sulmeve ndaj zyrtarëve policorë dhe veprave tjera penale.

“Pesë zyrtar policorë kanë pësuar lëndime gjatë kryerjes së detyrave zyrtare duke vepruar në ndjekjen e krimit të organizuar dhe kontrabandës. Duke mos zbatuar urdhëratë e zyrtarëve policorë për tu ndalur, një kamion ka goditur veturën e policisë me që rast pesë zyrtar policorë kanë pësuar lëndime si dhe janë shkaktuar dëme materiale”.

-Advertisement-

“Zyrtarëve policorë u dëshirojmë shërim të shpejtë, kurse nga organet e drejtësisë kërkojmë që të veprojnë sipas ligjit ndaj kryesve të këtyre veprave penale. Veprimi sipas ligjit nga Prokuroria dhe Gjykata do të ndikonte në parandalimin e sulmeve ndaj zyrtarëve policorë dhe veprave tjera penale”.

“Policia e Kosovës janë krenaria e të gjithë neve prandaj ju jemi mirënjohës për punën, sakrificën, guximin dhe profesionalizmin që po e tregojnë për çdo ditë në përmbushjen e misionit të tyre”, thuhet në reagim

Subscribe në YouTube: GAZETA INFOKUSI