Si po përgatitet Kievi për t’u përballur me pushtimin rus
![](https://gazetainfokus.com/wp-content/uploads/2022/03/Kiev-1.jpg)
Autori: Gazeta inFokus
14:27 | 04 March 2022
Pushtimi rus i Ukrainës erdhi në ditën e nëntë. Pavarësisht dhjetëra sulmeve dhe dhunës në qytetet kryesore të vendit, kryeqyteti i Kiev-it po lufton kryesisht në periferi. Qendra e qytetit dhe ndërtesat kryesore të tij janë ende nën kontrollin e Ukrainës. Megjithatë, ekziston frika se një rrethim nga forcat ruse, mund të nisë në çdo moment.
Si kryeqytet i Ukrainës, ndoshta do të jetë “vendi që vendos se kush e fiton luftën”.
Jeta e qytetit është kthyer plotësisht përmbys. Prej ditësh mijëra njerëz kanë jetuar në stacionet e metrosë, të cilat janë shndërruar në strehimore emergjente, apo në bodrume ndërtesash të ndryshme. Gjetja e ujit të pijshëm dhe ushqimit po bëhet gjithnjë e më e vështirë. Stacionet e trenit janë plot me njerëz që përpiqen të largohen nga qyteti, ndonjëherë pa e ditur se ku shkojnë trenat në të cilin hipin, por ka edhe nga ata që po përgatisin llogoret luftarake nëpër rrugët e qytetit për të luftuar.
Parashikimi se si do të evoluojë situata, nëse, si dhe kur rusët mund të marrin kontrollin e Kievit, është aktualisht shumë e vështirë. Por, mes njerëzve që jetojnë atje, frika se qyteti do të bjerë se shpejti nën kontrollin e rusëve është reale dhe e prekshme, ata në Kiev, po përgatiten në mënyra të ndryshme për ardhjen e forcave ruse dhe për përshkallëzimin e luftës.
Ata që kanë vendosur për të luftuar dhe qëndrojnë në qytet, po përballen me frikën e bombardimeve, pavarësisht nga fakti që në ditën e parë të pushtimit, në Kiev bien sirenat, të cilat janë kthyer në kolonë zanore të përditshme për jetën e qytetit. Shumë njerëz kanë vendosur të qëndrojnë në shtëpitë e tyre, duke fjetur në bodrum ose tokë, në mes të korridoreve, për t’u strehuar pranë mureve më të forta ose në pikat e shtëpisë që konsiderohen më të sigurta në rast bombardimi.
Mijëra njerëz kanë braktisur shtëpitë e tyre për t’u strehuar në tunelet nëntokësore. Sidomos në metro, ku sipas kryetarit të Kievit, kanë gjetur strehim rreth 15 mijë persona, kryesisht gra dhe fëmijë.
Metrotë e Kievit janë të mbushura me dyshekë, mbi të cilët flenë tre ose katër persona në të njëjtën kohë. Atje, në fakt, ato pak stola që ishin janë zënë nga personat që arritën të mbërrijnë të parët, duke vendosur batanijet e tyre atje. Njerëz të tjerë kanë sjellë me vete disa tenda kampingu për të krijuar një hapësirë sa më private ndaj njerëzve të tjerë. Por ka edhe nga ata që kanë sjellë kafshët shtëpiake me vete.
Aty ku ka priza elektrike, shkruante Nju Jork Times, janë shndërruar në “stacione karikimi për celularët”, ku shumica e njerëzve që jetojnë aje prej disa ditësh, duan të mësojnë mbi atë se çfarë po ndodh në sipërfaqe përmes informacionit të shpërndarë në internet. Në metro, tani për tani, ka tualete funksionale.
Shumë familje janë të ndara, një grua që aktualisht jeton në metronë e Kievit, mori vajzën e saj gjashtë vjeçare me vete, por djalin e la me gjyshën, e cila jeton në periferi të Kievit, ndërsa bashkëshorti i është bashkuar luftës.
Në platformat e metrosë nuk ka vetëm dyshekë, por edhe valixhe, çanta dhe qese plastike plot me ushqime dhe furnizime të tjera.
Andrew Kramer, korrespondent në Kiev për Nju Jork Times, shkruan se ka shumë vullnetarë që sjellin ushqime dhe nevoja themelore në metro, të cilët hyjnë dhe dalin nga stacionet, shpesh të drejtuar nga ushtarë. Megjithatë, ndërsa bombardimet vazhdojnë, raftet e supermarketeve të Kievit janë gjithnjë e më shumë bosh.
Sapo mbaroi shtetrrethimi që ishte vendosur në fundjavë, jashtë supermarketeve u krijuan radhë të gjata qytetarësh.
Në një supermarket në qendër të Kievit, shkruajti Al Jazeera, mbetën vetëm mallrat më të shtrenjta, si çokollatat zvicerane, djathërat francezë apo proshuta spanjolle, ndërsa buka, perimet dhe uji përfunduan. Po ashtu, qyteti ka hasur në probleme logjistike me furnizimin e mallrave, ndërsa pronari i një supermarketi tha se duke qenë se qyteti është i rrethuar nga rusët, ai nuk është i sigurtë nëse ngarkesat e furnizimit që janë planifikuar të mbërrijnë. Ekziston një problem i ngjashëm edhe me ilaçet.
Përveç metrosë, banorët e Kievit po strehohen edhe në zonat e fortifikuara të tjera nëntokësore, si bodrumet e pallateve dhe spitaleve.
Një klinikë materniteti në Kiev, po përpiqet të vazhdojë të funksionojë nëntokë, drejtori i saj, Dmytro Govseyev i tha Nju Jork Times se pesë foshnja kanë lindur tashmë në ato bodrume që nga fillimi i luftës.
Në qytet po përgatiten për luftë, përveç ushtarëve, edhe një numër i madh civilësh.
“Pothuajse në çdo rrugë, shkruajti Andrew Kramer në Nju Jork Times, janë vendosur barriera fizike për t’i bllokuar ato. Që nga dita e mërkurë, shumë rrugë në Kiev janë mbyllur gjithashtu për makinat e civilëve, ndërsa shenja të shumta paralajmëruese janë shfaqur për praninë e minave antitank”.
Ushtria ukrainase hodhi në erë gjithashtu disa ura që mund të përdoreshin nga ushtria ruse për të arritur në qytet. Ata filluan të përdorin një strategji të tillë që nga dita e dytë e pushtimit, duke bërë që shumë ura të vendit të dalin jashtë përdorimit.
![](https://gazetainfokus.com/wp-content/uploads/2024/02/IMG_4130-600x360-1.jpeg)
Të tjera
-
Deputetja e LDK-së: Pushteti i Albin Kurtit, për çdo ditë gënjen për heqje të varfërisë
Në një listë të përpiluar që trajton kryesisht çështjet ekonomike, Kosova ësh...
-
“Trepça” largon nga puna edhe një minator
Ndërmarrja “Trepça”, ka njoftuar se ka larguar nga puna minatorin V.G. Në ...
-
Mitrovica e Veriut: Marketi “Llaziq” zëvendësohet nga zinxhiri tregtar kosovar
Ish-marketi “Llaziq” në Mitrovicës e Veriut u zëvendësua nga zinxhiri tregtar...
-
Bajqinovci lavdërohet me FSK-në, thotë se në mandatin e tyre Kosova ka përparuar në forcimin e mbrojtjes kombëtare
Deputeti i Lëvizjes Vetëvendosje, Mefail Bajqinovci ka lavdëruar Qeverinë Akt...
-
GAP identifikon shkeljet dhe sfidat në procesin e dhënies së granteve nga MKRS-ja
Instituti GAP ka analizuar 51 thirrje të hapura nga MKRS gjatë periudhës 2021...
-
Trupi gjykues në Hagë: S’ka urdhër që të monitorohen komunikimet mes të akuzuarve dhe avokatëve
Në Dhomat e Specializuara të Kosovës (DhSK) në Hagë, të hënën, kryetari i tru...
-
Lajçak nga Forumi i Alpbachut në të cilin po merr pjesë edhe Osmani: Bisedë interesante për të ardhmen e Ballkanit Perëndimor
I dërguari i posaçëm i Bashkimit Europian për dialogun Kosovë – Serbi, Mirosl...
-
“Ekspozoi të dhënat e konsumatorëve”: Agjencia për Informim dhe Privatësi gjobit KRU “Prishtina”
Agjencia për Informim dhe Privatësi ka gjobitur Kompaninë Rajonale të Ujësjel...
-
Dërgohet pa shenja jetë një person në një klinikë private në Dragash, familjarët thonë se përdori barna
Një burrë është dërguar pa shenja jete në një klinikë private në Dragash. ...
-
Fushë Kosovë: Një person gjendet i shtrirë në rrugë pa shenja jete
Një ngjarje e rëndë ka ndodhur në Fushë Kosovë, ku një person është gjetur pa...
-
Ministria e jashtme thotë se nuk e dinë fare se ka ndodhur ndonjë arrestim i “spiunit kroat” në Beograd
Ministria kroate e Punëve të Jashtme dhe Evropiane nuk ka dijeni se arrestimi...
-
Rrethi para urës së Ibrit së shpejti bëhet me fontanë
Rrethi në afërsi të urës mbi lumin Ibër në Mitrovicën jugore pritet së shpejt...