Lajme

Si i ndryshoi pasuria e Gazmend Muhaxherit nga viti 2010?

Autori: Gazeta inFokus 10:53 | 18 November 2021

Pasuria e të parit të komunës së Pejës ka marr hov rritjeje nga viti 2010.

Pasuria e Gazmend Muhaxherit sipas deklarimit në Agjencinë Kundër Korrupsion dallon shumë në vitin 2021 krahasuar me atë të dhjetë viteve më parë.

Në vitin 2010 si nënkryetar i Komunës së Pejës, Gazmend Muhaxheri kishte të deklaruar vetëm një fidanishte në vlerë 50 mijë euro, një veturë 4 mijë euro si dhe 1 mijë euro në bankë.

-Advertisement-


Por kjo shumë i ndryshoi kur u bë kryetar i Komunës së Pejës.

Formularit të deklarimit të pasurisë së Gazmend Muhaxheri iu shtuan edhe katër toka vlera e të cilave kap mbi 830 mijë euro, shkruan Gazeta Infokus.

LEXO EDHE: A u pasurua Shpend Ahmeti pas dy mandateve në krye të Prishtinës?

Nga asnjë shtëpi sa nuk kishte të deklaruar në vitin 2010, i pari i Komunës së Pejës në 2021 në deklarimin e tij shtoi edhe katër shtëpi, vlera e së cilave është jo më pak se 1 milion e 315 mijë euro.

Por, pasuria e paluajtshme e Muhaxherit nuk mbaron me kaq. Ai ka të deklaruar edhe një objekt i cili kushton 138 mijë euro.

Nga të gjitha këto toka, shtëpi e objekte Gazmend Muahxheri i ka të deklaruara në emrin e tij vetëm tri prej tyre pasurive, prejardhja e të tjerave është nga trashëgimia, shkruan Gazeta Infokus.


Në Agjencinë Kundër Korrupsionit, Gazmend Muahxheri e ka të deklaruar edhe një veturë në pronësi të bashkëshortes tipi i cili nuk dihet ndërsa vlera e saj është 17 mijë euro e cila është blerë me kredi.

LEXO EDHE: Pasuria e kryetarit të ri të Gjilanit, Alban Hysenit, peshon mbi gjysmë milioni euro

Muhaxheri gjithashtu ka edhe një kredi për ndërtimin e një objekti në vlerë 80 mijë euro.

Të hyrat vjetore Gazmend Muahxheri në vitin 2021 e ka deklaruar pagën në Kuvendin Komunal në Pejë e cila është 15,110 euro, qiramarrës 33,600 euro në vit, dhe 10 përqindëshi i trustit i cili është 3,200 euro.

LEXO EDHE: Sa është i pasur kryetari i Gjakovës, Ardian Gjini?

Ndërsa të deklaruar ka edhe pagën e bashkëshortes në Universitetin e Prishtinës e cila në vit merr 15,396 euro.

Gazmend Muahxheri i Lidhjes Demokratike të Kosovës në zgjedhjet e 17 tetorit ka arritur të zgjidhjet kryetari i Pejës për të tretën herë radhazi me 60.44 për qind të votave. /Gazeta Infokus/

Subscribe në YouTube: GAZETA INFOKUSI
UFC EKSKLUZIVISHT NË ARTMOTION!

Të tjera