Shumë kompani vitin e kaluar hodhën poshtë Ye (i njohur më parë si Kanye West) dhe markën e tij dikur jashtëzakonisht të njohur të veshjeve dhe atleteve Yeezy për shkak të komenteve të tij antisemitike.

Por polemikat në dukje kanë nxitur kërkesën për këpucë.
Atletet Yeezy aktualisht janë ndër tre shitësit më të mirë në Impossible Kicks, një biznes i madh rishitjesh, ” i dorës së dytë”, në internet i atleteve dhe veshjeve të nivelit të lartë që ka 17 vendndodhje dyqanesh në Shtetet e Bashkuara.

“Kërkesa për Yeezys është rritur me 30% që nga tetori-nëntorin e kaluar,” tha John Mocadlo, CEO i Impossible Kicks. Ai tha se atletet Yeezy janë ndër tre markat më të njohura në platformë pas Jordans dhe këpucëve të tjera Nike, duke përfshirë këpucët Dunk dhe Air Max.

“Ne shesim rreth 30,000 atlete në total çdo muaj. Ndoshta 6,000 deri në 7,000 prej tyre tani janë Yeezys”, tha ai.

Yeezy 350 me ngjyrë të zezë dhe të bardhë në modelin e ngjyrave të këpucëve janë ndër më të kërkuarit në rishitje dhe me çmim 20% deri në 40% mbi vlerën e shitjes me pakicë të këpucëve, tha Mocadlo. Çmimi në rishitje për këto dy opsione varion nga 350 deri në 400 dollarë. Nga rritja e shitjeve të Yeezy’s në rishitje nuk mund të përfitojë West, sepse tregu sekondar përfaqëson artikuj që tashmë ishin blerë.

Mocadlo tha se shumë klientë që shpresojnë të fitojnë atlete Yeezy i shikojnë ato si sende koleksioni, duke shpresuar të shohin një rritje të mëtejshme në vlerë, ndërsa të tjerë thjesht pëlqejnë stilin e tyre dhe komoditetin e atleteve dhe duan t’i shtojnë ato në veshjet e tyre.

Shumë klientë, tha ai, nuk janë në dijeni të polemikave të lidhura me stilistin e markës.

Pasojat u shtrinë në Gap, i cili hoqi të gjitha mallrat e Yeezy Gap nga dyqanet e saj. Footlocker, TJ Maxx dhe shtëpia luksoze e modës Balenciaga gjithashtu prishën lidhjet me Ye dhe ndaluan shitjen e mallrave Yeezy.

Adidas tha në fillim të këtij muaji se pret të humbasë 1.3 miliardë dollarë të ardhura këtë vit pas përfundimit të partneritetit të saj nëntë-vjeçar me Ye, duke e lënë kompaninë të mbërthyer me shumë mallra të pashitura të markës Yeezy. Adidas tha se do të përpiqej të ripërdorte disa prej tyre pa markën Yeezy.

Pra, tani çmimet për atletet Yeezy po rriten për shkak të furnizimit më të ngushtë, sipas StockX, një platformë kryesore e rishitjes së atleteve.

UNI-Universum International College rankohet me sukses në Times Higher Education Impact Rankings 2024

Sponsoruar