Sport

Shqiptarët fantastik të Zvicrës

Autori: Gazeta inFokus 13:48 | 26 Nëntor 2018

Futbollistët shqiptarë që luajnë në futbollin zviceran kanë pasur një fundjavë fantastike. Gazeta zvicerane, Blick ka zgjedhur formacionin e javës së 15 – të, ku ka përzgjedhur katër futbollistë shqiptarë në këtë formacion.

I pari në këtë formacion është mbrojtësi Arlind Ajeti, i cili luan për skuadrën e Grasshppersit.

Mesfusha përbëhet nga futbollisti i përfaqësueses së Kosovës, Hekuran Kryeziu i cili gjatë javës së fundit shënoi dy super gola për skuadrën e Zurichit në barazimin 3-3 si mysafir i Xamax, si dhe Bestien Toma i cili shënoi gol në fitoren e Sion-it përballë skuadrës së Thun.

-Advertisement-

Ndërsa në sulm ka vend edhe për sulmuesin Shkëlqim Demhasaj, ku ka asistuar në barazimin 1-1 të skuadrës së tij Luzern përballë shumëherë kampionit Basel,ai së fundi ishte paraqitur për Kosovën në dy ndeshjet e fundit përballë Maltës dhe Azerbejxhanit.

Gola në javën e fundit të kampionatit zvicrran kanë shënuar edhe Benjamin Kolollo,Pajtim Kasami, dhe Nedim Bajrami po ashtu si asistues është edhe Albian Ajeti./Gazeta inFokus/