Lajme

Shqipëria thyen rekord të zi, shënohet numri më i lartë i infektimeve që nga fillimi i pandemisë

Autori: Gazeta inFokus 19:08 | 18 January 2022

Ministria e Shëndetësisë ka bërë të ditur se në 24 orët e fundit është shënuar numri më i lartë i infektimeve që prej fillimit të pandemisë.

Në 24 orët e fundit janë kryer 8.746 testime nga të cilat kanë rezultuar pozitivë 2832 qytetarë. Ndërkohë, kanë ndërruar jetë 6 persona të prekur me COVID-19, ndërsa 1732 janë shëruar.

Aktualisht në spitalet COVID po marrin trajtim 130 pacientë, nga të cilët 14 janë në gjendje më të rënduar.

-Advertisement-

Më së shumti raste të reja janë konfirmuar në Tiranë 1.156, Shkodër 183, Durrës 133, Fier 130, Vlorë 107 etj.

Në 24 orët e fundit me gjithë përpjekjet e stafit mjekësor ka gjashtë humbje jete me SARS-COV2 pozitiv: dy qytetarë nga Tirana 59 dhe 90-vjeç, një qytetar 69-vjeç nga Konispoli, një qytetar nga Burreli 71-vjeçe, një qytetar nga Rrogozhinë 75-vjeç, një qytetar nga Tepelena 81-vjeç.

Shqipëria ka regjistruar gjithsej 236.486 raste me koronavirus, 211.187 janë shëruar, 22.022 janë aktive, ndërsa betejën me sëmundjen e rrezikshme e kanë humbur 3.277 pacientë.

Subscribe në YouTube: GAZETA INFOKUSI