Lajme

Shqipëria përfshihet nga zjarret

Autori: Gazeta inFokus 08:14 | 10 July 2017

Shqipëria është përfshirë nga një valë e pazakontë të nxehti, që ka shkaktuar zjarre masive në shumë zona të vendit.

Autoritetet bëjnë të ditur se mijëra hektarë tokë, kullota dhe pyje janë djegur.

”Në 24 orët e fundit ka pasur 12 vatra zjarri në mbarë Shqipërinë,\” konfirmoi të premten Drejtoria e Përgjithshme e Emergjencave Civile.

-Advertisement-

Një numër të madh zjarresh ka pasur në Shkodër, Dibër, Berat, Tiranë, Durrës, Fier, Vlorë dhe Gjirokastër.

Sipas Drejtorisë së Emergjencave Civile, zjarret është e vështirë të vihen nën kontroll, pasi favorizohen nga temperaturat e larta në mbarë vendin.

Një zjarr i madh ka përfshirë një zonë me bimësi e pyje, në lagjen \”15 Shtatori\”, në Tepelenë.

Situata është alarmante, pasi zjarri rrezikon të prekë edhe shtëpitë private që ndodhen aty pranë.

Forcat zjarrfikëse dhe banorë të zonës janë angazhuar dhe po punojnë për të vënë nën kontroll zjarrin dhe për të mos lejuar avancimin e tij.

Parashikohet se gjatë fundjavës temperaturat në Shqipëri do të arrijnë deri në 40 gradë.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme