Sport

Shqipëria mori mbrojtësin Dermaku, reagon menaxheri i Kosovës

Autori: Gazeta inFokus 14:47 | 03 October 2018

Trajneri i Kombëtares shqiptare të futbollit, Kristian Panuçi, bëri të ditur dje listën e lojtarëve në kuadër të miqësores dhe Jordaninë dhe takimit të Ligës së Kombeve me Izraelin. Ajo çka binte në sy ishte prezenca e lojtarit të Kozencas në Itali, Kastriot Dermakut.

Më parë mbrojtësi ka qenë i ftuar nga Kosova për ndeshjet me Ishujt Faraoe dhe Azerbajxhanin. Në lidhje me këtë, Bajram Shala, menaxher i përfaqësueses kosovare u shpreh: “Është zgjedhje personale e lojtarit të cilën në e respektojmë. Ndoshta lojtari nuk ka arritur që të adaptohet. Ndoshta e ka parë konkurrencën, nuk e di se çfarë të them më tepër”, – ka deklaruar Bajram Shala.

Ai ka mohuar kategorikisht mundësinë që Dermaku ka pasur ndonjë problem te Kosova. “Absolutisht nuk ka pasur asnjë problem gjatë kohës që ka qenë i grumbulluar”.

-Advertisement-