Shqetësuese prezenca ruse, prania e KFOR-it në Jarinje dhe Bërnjak nuk zëvendëson Njësinë Speciale
Autori: Gazeta inFokus 12:04 | 29 September 2021
Prezenca e KFOR-it në veri të vendit po vlerësohet se është konform mandatit të saj dhe jo për të zëvendësuar Policinë e Kosovës aty. Njohës të çështjeve të sigurisë thonë se ky mekanizëm i sigurisë po vëzhgon e patrullon komfor mandatit të vet. Ndërkohë që ministri i Punëve të Brendshme, Xhelal Sveçla deklaroi të martën se KFOR-i u ofrua të sigurojë pikat kufitare, u refuzua nga elementet ekstremiste.
Eksperti i çështjeve të sigurisë, Nuredin Ibishi thotë se në një situatë të tensionuar në të cilën ndodhet Jarinja dhe Bërnjaku, është e mirëseardhur që KFOR-i patrullon në atë pjesë aty.
Anash kësaj, ai shpreh shqetësimet e tij për prezencën ruse në veri.
“Në një situatë të tensionuar ashtu çfarë e bën pala serbe, është e mirëseardhur që KFOR-i patrullon në atë pjesë aty dhe deklaratat e ministrit Sveçla se nëse serbët i tërheqin barrikadat dhe tërhiqen nga protesta, zhbllokojnë kalimin në kufi, atëherë mund të tërhiqen Njësitë Speciale nga ajo pjesë, ky është një kusht. Por, me sa duket ekstremistët e dirigjuar nga Beogradi nuk e kanë qëllimin aty, ata duan që të tensionohet situata dhe është shqetësues aspekti i prezencës së vazhdueshme ruse. Ardhja e ambasadorit me ministrin e Mbrojtjes Stefanoviq, mirëpo edhe kontaktet e vazhdueshme të ministrit të Mbrojtjes dhe kërkesa për një panair ushtarako-teknik i palës ruse, krejt kjo tregon një ndërhyrje dashakeqe të Rusisë. Dhe, interferimi i vazhdueshëm i saj që vazhdimisht e shfrytëzon Kosovën si tranzit për ndikim në Ballkan[…]dhe shtytje palës serbe që të ndërmerr masa ekstreme në kuptim të asaj që të kundërshtojë prezencën e Policisë së vendit”, thotë ai.
Kështu beson edhe njohësi i çështjeve të sigurisë, Fatmir Çollaku, sipas të cilit KFOR-i po performon në veri të vendit komfor mandatit të tij. Teksa e sheh të arsyeshme tërheqjen e Policisë së Kosovës nga pikat kufitare në Jarinjë dhe Bërnjak, pasi që thotë se është policia kufitare ajo që mund të kryejë punën në zbatim të reciprocitetit.
“S’kisha me e quajt zëvendësim por kisha me e quajt performim komfor mandatit nga ana e KFOR-it dhe po ashtu një tërheqje e arsyeshme e Policisë nga ana e Njësisë Speciale në asistim të policisë së rëndomtë për të mbaruar kryerjen e punës së vet në zbatim të reciprocitetit. Pra, KFOR-i nuk po bënë zëvendësim, Policia e ka vendin e vet, e ka mandatin e vet. Edhe KFOR-i ka mandatin e vet dhe po bën monitorimin në frymën e parandalimit të një konflikti dhe në ruajtjen e sigurisë, meqë vetëm KFOR-i ka ekskluzivitetin në parandalimin”, thotë Çollaku.
Mbështetje për vendimin e qeverisë për reciprocitet në targa me Serbinë jep edhe kryetari i Komisionit për siguri dhe mbrojtje, Bekë Berisha.
Por sipas tij, Njësia Speciale e Kosovës nuk ka nevojë të qëndroj në veri të vendit me kapacitetet që aktualisht është, pasi që vlerëson se monitorimin e situatës atje mund ta bëjë pa problem edhe policia kufitare.
“Veç le të zbatohet ligji, sepse policia nuk ka nevojë me gjithë ato kapacitete të jetë atje. Ajo është atje për shkak të protestave, për shkak që ka tensione. Nëse vazhdon me u zbatu ligji, është policia kufitare që e zbaton atë në kufi”, thotë ai.
Ndërsa ministri i Punëve të Brendshme, Xhelal Sveçla deklaroi dje se Njësia Speciale e Kosovës po qëndron pranë dy pikave kufitare me Serbinë për të mbrojtur policët kufitarë dhe doganierët e do të tërhiqet nga aty vetëm pasi serbët të largojnë barrikadat e vendosura.
“Duke qenë se KFOR-i ka ofruar angazhime shtesë dhe ka ofruar që të sigurojë policinë tonë kufitare me forca shtesë, edhe pikat kufitare, ne kemi thënë se me largimin e barrikadave prezenca e njësive speciale do të ishte e panevojshme, por edhe kjo ofertë e komandantit të KFOR-it është refuzuar nga këto elemente ekstremiste dhe me këtë refuzim këta vetëm se kanë dëshmuar që nuk janë të brengosur siç thonin më herët me praninë e forcave speciale, por qëllimet e tyre janë politike dhe në dëm të sovranitetit të vendit tonë”, ka thënë Sveçla.
Është dita e 10-të prej kur serbët ekstremistë kanë bllokuar kalimet kufitare në Jarinjë dhe Bërnjakë për të kundërshtuar vendimin e qeverisë së Kosovës për reciprocitetin në targa me Serbinë. Ata gjatë kësaj kohe kanë provokuar dhe propagantuar në mënyra të ndryshme, me qëllim të tensionimit të situatës atje.
Të tjera
-
Osmani për fjalimin e Vuçiqit në KS të OKB-së: Të vërtetën tonë nuk mundet ta sulmojë e as ta mohojë askush, e as Serbia
Presidentja e Kosovës, Vjosa Osmani, është deklaruar rreth reagimit të presid...
-
56 vjeçari gjendet i vdekür në banesën e tij në Fushë Kosovë
Një 56-vjeçar është gjetur pa shenja jete në banesën e tij në rrugën “Dardani...
-
Ambasadori britanik në Beograd: Asociacioni të formohet sa më shpejt që të jetë e mundur
Ambasadori i Mbretërisë së Bashkuar në Serbi, Edward Ferguson, ka thënë të pr...
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...