Lajme

Shqetësimet për ujin e pijshëm në disa fshatra të Deçanit, Ramosaj thotë se gjendja është nën kontroll

Autori: Gazeta inFokus 06:45 | 16 May 2022

Ministria e Shëndetësisë ka njoftuar dje se me kërkesë të ndërmarrjes regjionale “Hidro-Drini” në Pejë, janë marrë mostra të ujit të pijes nga disa fshatra të Deçanit, nisur nga shqetësimi se uji është turbulluar si pasojë e të reshurave.

Në lidhje me këtë, kryetari i komunës së Deçanit, Bashkim Ramosaj, përmes një postimi në Facebook, ka bërë të ditur se i ka dërguar për analiza mostrat e ujit.

Ai gjithashtu u ka bërë thirrje qytetarëve që të mos shqetësohen pasi “gjendja është nën kontroll”.

-Advertisement-

“Në komunën e Deçanit ditët e fundit ka pasur reshje të shpeshta të shiut dhe meqë komuna jonë para një viti është përballur me një valë të madhe të helmimeve të qytetarëve nga uji i pijes, për shkaqe sigurie sot në mëngjes i jam drejtuar IKSHKP-së, Insitutit Rajonal në Pejë dhe Ndërmarrjes Rajonale Hidrodrini në Pejë me kërkesën për Analiza të ujit të pijes. I lus qytetarët që mos të shqetësohen sepse gjendja është nën kontroll dhe nuk ka vend për panik”, thuhet në postimin e Ramosajt.

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme