Lajme

Shpërthimi në Ibër – Lepenc, BE dhe EULEX dënojnë rastin: Përgjegjësit të vihen para drejtësisë

Autori: Gazeta inFokus 23:33 | 29 November 2024

Ambasadori i BE-së në Kosovë, Aivo Orav dhe shefi i EULEX-it kanë dënuar shpërthimin e sotëm në kanalin e Ibër – Lepencit në Zubin Potok.

Orav dhe Barbano përmes postimeve në platformën “X”, kanë thënë se ngjarja duhet të hetohet dhe autorët të mbajnë përgjegjësi.

“Dënoj incidentin e rëndë që shkaktoi dëme në kanalin ujor në Zubin Potok që po privon pjesë të konsiderueshme të Kosovës nga furnizimi me ujë.  Unë u kam ofruar ndihmën e BE-së autoriteteve të Kosovës. Ngjarja duhet të hetohet dhe përgjegjësit të vihen para drejtësisë”, ka shkruar Orav.

-Advertisement-

Edhe shefi i EULEX-it, Giovanni Pietro Barbano, tha se pajtohet plotësisht me ambasadorin e BE-së.

“Dënojmë fuqishëm incidentin e  rëndë të mbrëmjes së sotme dhe pasojave të tij të mundshme. Pres hetime të shpejta: autorët duhet të mbajnë përgjegjësi”, ka shkruar Barbano.

Subscribe në YouTube: GAZETA INFOKUSI
Fillon aplikimi për Global Engineer Girls Kosova
-Advertisement-

Të tjera

Fokusi

lajme