Lajme

Kurti: Arsyeja pse po sulmohemi tash është pikërisht suksesi i Kosovës

Autori: Gazeta inFokus 00:11 | 30 November 2024

Kryeministri Albin Kurti, në konferencën e jashtëzakonshme për media pas sulmit në Ibër Lepenc, tha:

“Unë s’i kam emrat e atyre që e kanë bërë shpërthimin në Ibër Lepenc, por unë e di një gjë se elementet të tilla kriminale, qofshin edhe zyrtarisht anëtarë të Mbrojtjes Civile e Brigadës Veriore, e kanë mbështetjen dhe dirigjimin nga Beogradi zyrtar”.

“Nuk do të kishte Brigadë Veriore e Mbrojtje Civile nëse nuk do ta kishin mbështetjen nga Beogradi zyrtar. I kemi shpallur organizata terroriste sepse kanë vepruar në territor të Kosovës. Individë mund të ketë ende, por ato banda në përgjithësi janë shporrur”.

-Advertisement-

“Arsyeja pse Kosova duhet të përballet me këto sulme tash është pikërisht suksesi ynë, i cili po i çmend ata. Po të dështonte shteti i Kosovës nuk do të na i bënin këto”, tha kryeministri Kurti.

Subscribe në YouTube: GAZETA INFOKUSI