Lajme

Shpend Ahmeti favorit i madh, ia lehtësuan LDK-ja dhe PDK-ja

Autori: Gazeta inFokus 18:50 | 22 August 2017

Shpend Ahmeti është përsëri favorit për të qenë kryetar i Prishtinës edhe për katër vitet e ardhshme. Nominimet e kandidatëve nga partitë e tjera e bëjnë Ahmetin si kandidatin me gjasat më të mëdha për fitore në zgjedhjet e 22 tetorit. Duke e parë rëndësinë e qeverisjes lokale në Prishtinë, pritej që LDK dhe PDK të garonin me kandidatët më me ndikim të mundshëm, gjë të cilën duket se nuk e kanë arritur.

Nominimi i Arban Abrashit dhe Lirak Çelajt nuk pritet të sjellë rivalitet të madh në garën për të parin e kryeqytetit.

Me pak gjasa vlerësohet edhe kandidatura e Arbër Vllahiut nga AAK.

-Advertisement-

Indeksonline mëson se disponimi në Lëvizjen Vetëvendosje ka qenë në nivel me të mësuar emrat e kandidatëve nga LDK dhe PDK. Nominimi i mundshëm i Vjosa Osmanit apo Memli Krasniqit pritej ta bënte garën për Prishtinë më interesante dhe më rivalizuese. Abrashi vlerësohet si politikan jo aq i afërt me strukturat e degëve në Prishtinë, ndërsa Çelaj e ka të vështirë këndelljen pasi që më parë kishte pësuar humbje në të njëjtën garë.

Në anën tjetër, Shpend Ahmeti vazhdon të jetë politikani me ngritjen më të madhe politike në Lëvizjen Vetëvendosje duke arritur që me punën e tij si kryetar i Prishtinës të ngrisë edhe Vetëvendosjen si parti politike.

Subscribe në YouTube: GAZETA INFOKUSI