Lajme

”Shkolla është me pare”, ‘strategjia’ për t’i nxjerrë fëmijët romë në rrugë

Autori: Gazeta inFokus 20:35 | 01 November 2023

“Mami po më thotë se shkolla është me pare”, i tha Kiksit një 7-vjeçar që kërkon lëmoshë.

Të tilla deklarime nuk janë të padëgjuara e as të rralla, ashtu siç nuk janë të rralla as semaforët e qoshet e kryeqendrës e qyteteve të tjera të Kosovës, ku fëmijë të moshave të ndryshme vërsulen drejt makinave për të fituar ndonjë cent, pasi shtrinë dorën në kërkim të lëmoshës.

E të shpeshtë janë edhe pamjet e fëmijëve me shishe plastike në duar, në përpjekjet e tyre që të sigurojnë mbijetesë, duke larë xhamat e makinave, që nga ato më të lirat e deri te më të shtrenjtat.

-Advertisement-

Dikush thotë se punon për vete, por në të shumtën e herëve ata janë fëmijë të keqpërdorur nga të tjerët e edhe nga familjet e tyre, ku në vend që të jenë në bankat shkollore, ata u ekspozohen rreziqeve enorme.

Fenomen ky i shndërruar në një dukuri shqetësuese edhe për autoritetet, pasi këta fëmijë de fakto kanë braktisur edhe bankat shkollore.

Kamerat e Kiks Kosovës, në ditët e fundit të tetorit, kanë përcjellë dhe intervistuar disa prej tyre, të cilat, ani pse fëmijë, mistifikojnë historitë e braktisjes së shkollave.

E tillë është edhe historia e këtij 9-vjeçari, i cili thotë se vjen nga shteti fqinj, Shqipëria, jeton në Ferizaj, por çdo ditë shihet në rrugët kryesore të Prishtinës.

Historia e tij nis nga rrëfimi se shkolla është me pagesë, pasi ai i beson asaj që thotë se është rrëfimi i së ëmës, deri sa lë në harresë rrezikun që i kanosët çdo ditë e në çdo moment nga veturat që nga mëngjesi e gjer në darkë.

Të qëndruarit në rrugë e lë ata shpeshherë edhe pa ngrënë asnjë gjë, tashmë ka kaluar mesditën, për të qenë më të saktë ora shënon mes 14-15, por 9-vjeçari s’ka ngrënë asgjë prej kur ka zbardhur dita e sotme.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme