Demolimi i trashëgemisë  kulturore në Kosovë vazhdonë të mbetet një problem i kulturës kosovare.

Në gjendje të mjerueshme është edhe objekti i shkollës së parë në Ferizaj, e cila daton nga viti 1928.

Ky objektë jo vetëm që nuk ruhet nga institucionet vendore, por ai është shnderruar në një deponi mbeturinash, shkruan Gazeta inFokus.

Lidhur më këtë gjendje të kësaj shkolle ka reaguar edhe deputeti i Vetvendosje, Valon Ramdani.

Ai përmes një postimi në profilin e tij në facebook ka thënë se Agim Aliu për përfitime elektorale e partiake ka lënë objektet e trashëgimisë kulturore në gjendje të mjerueshme.

“Por këto qytete udhëhiqen nga persona të përgjegjshëm, të ndershëm e të vendosur e jo nga persona të tillë si z. Agim Aliu, i cili për përfitime elektorale e partiake ka lënë objektet e trashëgimisë kulturore në gjendje të mjerueshme, desha të thoja në mëshirë të fatit, por jo, sepse edhe fatin po ia përcaktojnë vetë. Si në rastin e objektit të shkollës së parë shqipe në Ferizaj, objekt ky që daton që nga viti 1928, por që është shëndrruar në vend për deponimin e mbeturinave, është demoluar në vazhdimësi, janë vjedhur instalimet elektrike, janë thyer dyert e dritaret, e i është vënë zjarri disa herë”, ka shkruar Ramadani.

Ai gjithashtu i ka bërë thirrje ministrit të kulturës, Kujtim Gashit të zgjohet nga gjumi.

“Këto mure nuk e meritojnë të rrënohen sepse brenda tyre është historia e gjeneratave të tëra, prandaj edhe po qëndron e fortë.Ne jemi të vendosur që ky objekt të mos ketë fatin e njejtë si të maternitetit të parë në Ferizaj.Prandaj i bëjë thirrje Ministrit të Kulturës – z. Kujtim Gashi të zgjohet nga gjumi.Është ironike që një objekt i cili është shpallur që nga viti 2015 objekt i mbrojtur i trashëgimisë kulturore të lihet pa mbrojtje.Zgjohu Ministër! Duam Punë, e jo Fjalë!” ka përfunduar ai.

Më poshtë gjeni postimin e plotë.

Trashëgimia kulturore ka një vend shumë të rëndësishëm në shoqëri, e brenda trashëgimisë kulturore janë edhe objektet e vjetra, pasi zbulojnë gjithçka për një popull, tregojnë për mënyrën e jetesës, autenticitetin apo ndikimin e kulturave tjera, luftërat, konfliktet, gjendjen ekonomike e përparimin përgjatë viteve.

Janë njohja e nevojshme dhe e domosdoshme e çdo shoqërie.

Në çdo qytet evropian e reja bashkekziston me të vjetrën, ku objektet e vjetra përveqëse shpallen monumente të mbrojtura janë edhe pika atraksioni për çdo turist.

Por këto qytete udhëhiqen nga persona të përgjegjshëm, të ndershëm e të vendosur e jo nga persona të tillë si z. Agim Aliu, i cili për përfitime elektorale e partiake ka lënë objektet e trashëgimisë kulturore në gjendje të mjerueshme, desha të thoja në mëshirë të fatit, por jo, sepse edhe fatin po ia përcaktojnë vetë. Si në rastin e objektit të shkollës së parë shqipe në Ferizaj, objekt ky që daton që nga viti 1928, por që është shëndrruar në vend për deponimin e mbeturinave, është demoluar në vazhdimësi, janë vjedhur instalimet elektrike, janë thyer dyert e dritaret, e i është vënë zjarri disa herë.

Pra po, po e pregadisin për rrënim, por aktivistët tanë për disa ditë me rradhë me ndihmën edhe të punonjësve të kompanisë ” Pastërtia ” pastruan hapësirat e këtij objekti.

Këto mure nuk e meritojnë të rrënohen sepse brenda tyre është historia e gjeneratave të tëra, prandaj edhe po qëndron e fortë.

Ne jemi të vendosur që ky objekt të mos ketë fatin e njejtë si të maternitetit të parë në Ferizaj.

Prandaj i bëjë thirrje Ministrit të Kulturës – z. Kujtim Gashi të zgjohet nga gjumi.

Është ironike që një objekt i cili është shpallur që nga viti 2015 objekt i mbrojtur i trashëgimisë kulturore të lihet pa mbrojtje.

Zgjohu Ministër! Duam Punë, e jo Fjalë!

Mosnjohja e së kaluarës dhe mosruajtja e saj do të thotë rrënim i së ardhmes./Gazeta inFokus/

Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Sponsoruar