Lajme

Shkatërrohet grupi narkotrafikant në Itali, që drejtohej nga “kapoja” shqiptar

Autori: Gazeta inFokus 14:04 | 30 September 2022

Është ndërprerë aktiviteti i një shoqate kriminale të dedikuar në tregtimin e drogës në aksin Foggia-Potenza në Itali.

Në krye të grupit qëndronte shqiptari Ardit Ismaili së bashku me italianin Enrico Caputo.

Megaoperacioni u zhvillua në orët e para të mëngjesit të sotëm.

-Advertisement-

Me urdhër të Prokurorisë së Antimafias janë ekzekutuar 22 masa sigurie (11 me burg, 4 arrest shtëpie, 1 ndalim qëndrimi në Puglia dhe 6 detyrim paraqitjeje në Policinë Gjyqësore), përcjell abcnews.al.

Hetimet bënë të mundur grumbullimin e pistave serioze në lidhje me ekzistencën dhe funksionimin, në Bashkinë Melfi dhe në të gjithë zonën Vulture-Melfese, të një organizate të përhershme të dedikuar për trafikun e drogës.

Grupi shpërndante drogë, kryesisht marijuanë dhe kokainë në sheshet e tregtimit në provincën e Foggia.

Ata gjithashtu kishin në dispozicion një rrjet personash, të ngarkuar me gjetjen e klientëve dhe shitjet me pakicë.

Hetimet zbuluan gjithashtu të dhëna serioze në lidhje me disponueshmërinë e armëve të luftës, veçanërisht të tre kallashnikovëve.

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’
-Advertisement-

Të tjera

Fokusi

lajme