Lajme

Shi i madh e erëra të forta në Prishtinë, lagjen Lakishte e “merr” uji

Autori: Gazeta inFokus 19:51 | 22 November 2024

Shi i madh e erëra të forta e ka kapluar mbrëmjen e sotme në Prishtinë, shkruan Gazeta Infokus.

E nga vërshimet e mëdha të shiut, rrugët e kryeqytetit janë mbuluar me ujë.

Në pamjet e siguara nga Infokus shihet se në lagjen “Lakrishte”, rrugët janë mbuluar tërësisht me ujë, e ku e bënë edhe më të vështirë qarkullimin e automjeteve.

-Advertisement-

Gjithashtu edhe tek “Stacioni i Autobusëve”, rrugët janë mbuluar me ujë nga vërshimet.

Ndërkaq nga Komuna e Prishtinës sot kanë paralajmëruar për përkujdesje të shtuar gjatë orëve në vijim. E kjo për shkak të parashikimeve të këtyre erërave të forta e shiut të madh.

Nga komuna u kanë kërkuar qytetarëve që të i reduktojnë lëvizjet e të kenë kujdes në trafik.

E në rast se u nevojitet ndihmë, nga komuna kanë treguar se ekipet e emergjencave janë në gatishmëri të plotë për çdo situatë të mundshme dhe vuri në dispozicion kontaktet për ndihmë.

“Për ndihmë apo raportime, mund të kontaktoni Drejtorinë për Siguri dhe Emergjenca në numrin 0800 122 33 ose 122 44”.

Më poshtë gjeni pamje nga vërshimet në Prishtinë:

Subscribe në YouTube: GAZETA INFOKUSI
Çka do të thotë të gatuash shqip?
-Advertisement-

Të tjera

Fokusi

lajme