Këtyre ditëve, Kosova ka shënuar shtim të rasteve të reja të COVID-19 me një tendencë të rritjes ditët në vijim. Ekspertët shëndetësorë thonë se imunizimi ka ndikuar që të përballohen me lehtë variantet e reja të gripit. Mirëpo, sipas tyre, pandemia ende nuk ka përfunduar. Ndërsa Instituti Kombëtar i Shëndetësisë Publike të Kosovës bën apel te qytetaret që të vazhdojnë me bartjen e maskave në ambiente të mbyllura dhe të vaksinohen.

Dy të vdekur dhe 12 raste të reja pozitive me COVID-19 është bilanci i raportuar të hënën në Kosovë. Kjo është konfirmuara nga Instituti i Shëndetit Publik në Kosovë. Drejtori i Klinikës Infektive në QKUK, Arben Vishaj, në një prononcim për Radio Kosovën tha se aktualisht në klinikën që ai drejton janë të shtrirë tre pacientë, e që dy prej tyre janë me oksigjenoterapi. Sipas Vishajt, aktualisht situata është e qetë por që qytetarët duhet të kenë kujdes të shtuar këtyre ditëve.

“Qytetarët e vendit tonë cilët kanë moshë të shtyrë dhe që kanë sëmundje të rënda ta përforcojnë imunitetin me vaksinim kundër COVID-19. Ua rekomandoj qytetarëve se në vendet ku frekuentojnë e ku ka turma të shumta të përdorin masat për parandalimin e infeksionit siç janë: vendosja e maskave, higjiena personale etj. COVID-19 ende s’ka përfunduar, ai është në mesin tonë, ndonëse situata aktualisht është e qetë”, thotë Vishaj.

Ndërsa për sa i përket imunizimit, infektologu Nderim Hasani për Radio Kosovën tregon simptomat të cilat i përcjellin pacientet të cilët janë të vaksinuar dhe atyre në mungesë imunizimi.

“Simptomat te personat që kanë imunitet të plotë janë me një ftohje të lehtë, sepse këto variante janë të lehta si të një ftohje të zakonshme. Ndërsa të pacientët që kanë imunitet të kompromentuar siç janë moshat e shtyra, këto normalisht që mund të paraqitën edhe me simptoma më të rënda siç është bronkopneumonisë”, thotë Hasani.

Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që të vaksinohen. Ministria e Shëndetësisë dhe IKSHPK rekomandojnë qytetarët që të jenë të kujdesshëm në zbatimin e masave preventive kundër sëmundjeve ngjitëse duke zbatuar vendimet e Qeverisë, duke bartur maska në të gjitha ambientet e mbyllura, distancë, higjienë, dezinfektues për duar në të gjitha institucionet publike e private dhe të vaksinohen kundër COVID-19.

Prince Coffee shkon edhe në Ferizaj – ambient i ngrohtë e risi në menu (VIDEO)

Sponsoruar