Lajme

Shefi i NATO-s uron Trumpin: Udhëheqësia e tij do të jetë edhe një herë kyçe për ta mbajtur aleancën të fortë

Autori: Gazeta inFokus 10:13 | 06 November 2024

Liderët botërorë kanë uruar Donald Trumpin ndonëse ai zyrtarisht  ende nuk është shpallur president i SHBA-së.

Një urim e ka bërë edhe Sekretari i Përgjithshëm i NATO-s, Mark Rutte.

Rutte ka thënë se udhëheqësia e Trump do të jetë kyçe për ta mbajtur NATO-n të fortë.

-Advertisement-

“Sapo urova Donald Trumpin për zgjedhjen e tij si President i Shteteve të Bashkuara të Amerikës. Udhëheqësia e tij do të jetë edhe një herë kyçe për ta mbajtur aleancën tonë të fortë. Mezi pres të punoj me të dhe të avancojmë paqen përmes NATO-s”, ka shkruar Rutte në platformën “X”.

Kandidati i republikanëve për president të SHBA-së, Donald Trump është shumë afër sigurimit të 270 votave elektorale.

Sipas projeksionit të CNN, Trump aktualisht ka 266 vota elektorale, vetëm katër vota larg Shtëpisë së Bardhë.

Kandidati që arrin në 270 vota elektorale i fiton zgjedhjet presidenciale. Numërimi është duke vazhduar.

Republikani, Donald Trump në një fjalim para mbështetësve të tij, tashmë ka shpallur fitoren.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme