Lajme

SHBA-të e konfirmojnë se do ta furnizojnë Ukrainën me raketat NASAMS

Autori: Gazeta inFokus 18:02 | 03 July 2022

Shtetet e Bashkuara të Amerikës e kanë konfirmuar se do ta furnizojnë Ukrainën me sistemin kombëtar të raketave të avancuara (NASAMS), si pjesë e paketës së re të ndihmës ushtarake prej 820 milionë dollarësh.

Dy njësi NASAMS do të dorëzohen në kuadër të marrëveshjes së fundit, e cila gjithashtu përfshin më shumë municione nga Sistemet e Raketave të Artilerisë së Lëvizshmërisë së Lartë (HIMARS). Këto sisteme raketash janë furnizuara me municione precize dhe sipas Ukrainës tashmë kanë një ndikim në fushën e betejës.

Kievi e ka mirëpritur këtë lëvizje të fundit nga ShBA-ja. Ministri ukrainas i Mbrojtjes, Oleksiy Reznikov, falënderoi presidentin e ShBA-së, Joe Biden, dhe Sekretarin e Mbrojtjes, Lloyd Austin, duke e përshkruar atë si “një tjetër hap të rëndësishëm në mbështetje të Ukrainës”, shkruan BBC.

-Advertisement-

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera